قازاقستان قورعانىس مينيسترلىگى الەۋمەتتىك جەلىلەردە مەرزىمدى اسكەري قىزمەتتەگى ماتروستار احمەتوۆ ا.ا. مەن ماعاۋيا ءا.ا. تۋرالى تاراعان اقپاراتقا قاتىستى رەسمي مالىمدەمە جاسادى، دەپ حابارلايدى infohub.kz سايتى.
سۇراق تۋىنداۋىنا كاسپي تەڭىزىنە اعىزىپ اكەتكەن اسكەري قىزمەتشىلەر سانى تۋرالى دەرەكتەردىڭ سايكەس كەلمەۋى سەبەپ بولدى: اۋەلدە 19 ادام دەپ حابارلانسا، كەيىن 17 ادام ەكەنى بەلگىلى بولدى. وسىنىڭ اياسىندا الەۋمەتتىك جەلىلەردە ەكى ماتروستىڭ تاعدىرى جونىندە بولجامدار پايدا بولا باستادى.
قورعانىس ۆەدومستۆوسىنىڭ رەسمي Telegram-ارناسىندا ايتىلعانداي، اسكەري-تەڭىز كۇشتەرىنىڭ وقۋ-جاتتىعۋى بارىسىندا جەكە قۇرامنىڭ ءبىر بولىگى جاعادا بولىپ، وقۋ مىندەتتەرىن ورىنداعان.
«مەرزىمدى اسكەري قىزمەتتەگى ماتروستار احمەتوۆ ا.ا. مەن ماعاۋيا ءا.ا. جاعادا وقۋ مىندەتتەرىن ورىنداعان اسكەري قىزمەتشىلەر توبىنا جاتتى. قازىرگى تاڭدا اتالعان اسكەري قىزمەتشىلەر اسكەري ءبولىم ورنالاسقان جەردە ءجۇر جانە كۇن تارتىبىنە ساي قىزمەت اتقارىپ ءجۇر»، — دەدى ۆەدومستۆودا.
قورعانىس مينيسترلىگى ازاماتتاردى تەكسەرىلمەگەن جانە جالعان اقپارات تاراتپاۋعا، ۆەدومستۆونىڭ رەسمي حابارلامالارىنا سۇيەنۋگە شاقىردى.
ەسكە سالايىق، 24 قىركۇيەكتە وقۋ-جاۋىنگەرلىك مىندەتتى ورىنداۋ بارىسىندا اۋا رايىنىڭ كەنەتتەن كۇرت ناشارلاۋى مەن ەكپىندى جەلدىڭ سالدارىنان كاسپي تەڭىزىنە 17 اسكەري قىزمەتشى اعىزىلىپ كەتتى، ولاردىڭ 14ء-ى قازا تاپتى. ۇشەۋى قۇتقارىلدى.
قايعىلى وقيعادان كەيىن داۋرەن كوسانوۆ قورعانىس ءمينيسترى قىزمەتىنەن بوساتىلدى. ونىڭ ورنىنا ايدوس مىرزاحمەتوۆ تاعايىندالدى.