قوستاناي وبلىسىندا پوليسيا قىزمەتكەرلەرى بالىقشىلار قاۋىمداستىعىنىڭ تۋىمەن كەلە جاتقان اۆتوكولىك شەرۋىنە قاتىسۋشىلاردى جاۋاپكەرشىلىككە تارتتى، دەپ حابارلايدى infohub.kz سايتى.
وبلىستىق پوليسيا دەپارتامەنتىنىڭ ءباسپاسوز قىزمەتىندە اتاپ وتكەندەي، الەۋمەتتىك جەلىلەردە نازار اۋدارۋعا دەگەن ۇمتىلىس ارقالىقتاعى اۆتوكولىك شەرۋىنە قاتىسۋشىلار ءۇشىن اكىمشىلىك جاۋاپكەرشىلىككە اكەپ سوقتى.
جەدەل باسقارۋ ورتالىعىنىڭ كامەرالارىنىڭ كومەگىمەن پوليسەيلەر جول قوزعالىسى ەرەجەلەرىن ورەسكەل بۇزۋ فاكتىلەرىن انىقتادى. وقيعا ورنىنا پوليسيا قىزمەتكەرلەرى جىبەرىلدى، ولار بەينەجازبادا كورىنىپ تۇرعانداي، اۆتوكولىك شەرۋىنىڭ جولىن جاۋىپ تاستادى. بارلىق بۇزۋشىلاردىڭ جەكە باسى انىقتالىپ، ولار اكىمشىلىك جاۋاپكەرشىلىككە تارتىلدى.
سونىمەن قاتار، الەۋمەتتىك جەلىلەردە جولاۋشىلاردىڭ قوزعالىس كەزىندە كولىك تەرەزەلەرىنەن جانە ليۋكتەرىنەن سىرتقا شىعىپ، بولىپ جاتقان وقيعانى ۇيالى تەلەفوندارىنا ءتۇسىرىپ، قاۋىپسىزدىك تالاپتارىن ورەسكەل بۇزعانى كورسەتىلگەن بەينەجازبالار تارادى.
تەكسەرۋ بارىسىندا باسقارۋ قۇقىعى جوق كولىك جۇرگىزۋشىسى دە انىقتالدى.
قوستاناي وبلىسى پوليسيا دەپارتامەنتىندە 3 تامىزدا قالا كۇنىنە وراي ارقالىقتا بالىق اۋلاۋدان جارىستار وتكەنىن قوستى. كولىكتەردىڭ ءبىرىنىڭ تەرەزەسىنەن جەلبىرەتكەن تۋ بالىقشىلار قاۋىمداستىعىنىڭ تۋى بولىپ تابىلادى.