قوستاناي تۇرعىنى بۇرىنعى جۇبايىن قاتىگەزدىكپەن ولتىرگەنى ءۇشىن ۇزاق مەرزىمگە باس بوستاندىعىنان ايىرىلدى. قايعىلى وقيعا قىزعانىش الاڭىندا بولعان، دەپ حابارلايدى infohub.kz.
قوستاناي وبلىستىق سوتىنىڭ ءباسپاسوز قىزمەتىنەن ءمالىم ەتكەندەي، بۇگىن قوستاناي قالاسىنىڭ تۇرعىنى س.-عا قاتىستى قىلمىستىق ءىس قارالدى.
ءىس ماتەريالدارىنا سايكەس، 2026 جىلدىڭ ناۋرىز ايىندا ەر ادام بۇرىنعى ايەلىمەن قىزعانىش الاڭىندا اراقاتىناسىن انىقتاۋ كەزىندە، ونى ءولتىرۋ ماقساتىمەن، اڭشىلىق كارابيننەن ايەلدىڭ باسى مەن كەۋدەسىنە ەكى رەت دالدەپ وق اتقان. جاراقاتتاردان جابىرلەنۋشى وقيعا ورنىندا قايتىس بولعان.
وسىدان كەيىن ايىپتالۋشى قىلمىس ورنىنان كەتكەن، الايدا كەيىن ءوز ەركىمەن پوليسيا ورگاندارىنا كەلىپ، كىناسىن مويىنداۋ تۋرالى ارىز جازعان.
سوت وتىرىسى بارىسىندا قىلمىستىق جاۋاپكەرشىلىك پەن جازانى اۋىرلاتاتىن ءمان-جايلار انىقتالعان جوق. سوت ايىپتالۋشىنى كىنالى دەپ تانىپ، وعان ورتاشا قاۋىپسىزدىك مەكەمەلەرىندە وتەلەتىن 12 جىلعا باس بوستاندىعىنان ايىرۋ جازاسىن تاعايىندادى.