قوستانايدا زاڭسىز ميكروقارجى قىزمەتى مەن قىلمىستىق كىرىستەردى زاڭداستىرۋ ءىسى بويىنشا ۇكىم شىقتى، دەپ حابارلايدى infohub.kz سايتى.
قارجى مونيتورينگى اگەنتتىگىنىڭ (قما) رەسمي Telegram-ارناسىندا حابارلانعانداي، ءقما-نىڭ قوستاناي وبلىسى بويىنشا دەپارتامەنتى جەرگىلىكتى تۇرعىننىڭ زاڭنامادا كوزدەلگەن ليسەنزياسىز م ۇلىكتى كەپىلگە الىپ، نەسيە بەرۋدى ۇيىمداستىرعانىن انىقتادى. كليەنتتەردى تارتۋ ءۇشىن تانىمال سايتتا جانە Instagram-دا حابارلاندىرۋلار پايدالانىلعان.
«ازاماتتاردىڭ اۋىر ماتەريالدىق جاعدايىن جانە ولاردىڭ ەكىنشى دەڭگەيدەگى بانكتەردەن نەسيە الا المايتىنىن پايدالانىپ، ول جوعارى پايىزبەن — جىلدىق 120%-عا دەيىن نەسيە بەرگەن»، — دەدى قما-دە.
سونىمەن قاتار، ۆەدومستۆودا اتاپ وتكەندەي، نوتاريات كۋالاندىرعان شارتتاردا نەسيەنىڭ اسىرا كورسەتىلگەن سومالارى كورسەتىلگەن، ويتكەنى ولارعا الدىن الا پايىزدار، رەسىمدەۋ شىعىندارى جانە باسقا دا تولەمدەر ەنگىزىلگەن. ماسەلەن، زارداپ شەككەندەردىڭ ءبىرى ءىس جۇزىندە 9 ملن تەڭگە العان، ال شارتتا 14 ملن تەڭگە كورسەتىلگەن. كەيىننەن 18 ملن تەڭگە مىندەتتەمەنى كوزدەيتىن تاعى ءبىر شارت رەسىمدەلگەن، الايدا ول بويىنشا اقشا بەرىلمەگەن. كەيىن سوت شەشىمىمەن زارداپ شەككەن ايەلدەن 26 ملن تەڭگە وندىرىلگەن.
قۇقىققا قارسى ارەكەتتەردىڭ ناتيجەسىندە 50-دەن استام ازامات ادەيى ءتيىمسىز شارتتارمەن قارىز مىندەتتەمەلەرىنە تارتىلعان. قىلمىستىق كىرىس سوماسى 1 ملرد تەڭگەدەن استى.
سوت ۇكىمىمەن وعان 2 جىل 8 اي باس بوستاندىعىنان ايىرۋ جازاسى تاعايىندالدى. سونىمەن قاتار، سوت قىلمىستىق كىرىستەرگە ساتىپ الىنعان م ۇلىكتى تاركىلەدى: ءتورت پاتەر، ەكى جەر تەلىمى، سونداي-اق Mercedes-Benz G500، Dodge RAM 1500 جانە Hyundai Santa Fe اۆتوموبيلدەرى.
ۇكىم زاڭدى كۇشىنە ەنگەن جوق. ەسكە سالايىق، 2025 جىلدىڭ مامىرىندا ءقما-نىڭ قوستاناي وبلىسى بويىنشا دەپارتامەنتى زاڭسىز ميكروقارجى قىزمەتىن جۇزەگە اسىرۋ فاكتىسى بويىنشا سوتقا دەيىنگى تەرگەۋ جۇرگىزىپ جاتقانى حابارلانعان بولاتىن. كۇدىكتىنىڭ ءتيىستى ليسەنزياسىز ءموبيلدى قوسىمشالار، ونىڭ ىشىندە Instagram ارقىلى جوعارى پايىزبەن نەسيە بەرگەنى كورسەتىلگەن.