قازاقستان فۋتبول فەدەراسياسىنىڭ باقىلاۋ، تارتىپتىك جانە ەتيكا كوميتەتى (بتەك) پەتروپاۆلدىڭ « قىزىلجارى» مەن وسكەمەننىڭ «التايى» اراسىنداعى ماچ بويىنشا شەشىم قابىلدادى، دەپ حابارلايدى infohub.kz.
21-تۋر اياسىنداعى كەزدەسۋ 8 تامىزدا وسكەمەندە ءوتىپ، 2:2 ەسەبىمەن تەڭ اياقتالدى.
بۇل ماچتا « قىزىلجار» ساپىندا ۋكراينالىق جارتىلاي قورعاۋشى الەكساندر نويوك وينادى. الايدا ول 21-تۋردىڭ باسقا ماچىندا — «اقتوبەگە» قارسى «اتىراۋ» قۇرامىندا دا الاڭعا شىققان. بۇل كەزدەسۋ كەيىنگە شەگەرىلىپ، 17 مامىردا وتكەن بولاتىن.
بتەك مۇنى رەگلامەنتتى بۇزۋ دەپ باعالادى. ناتيجەسىندە « قىزىلجارعا» 0:3 ەسەبىمەن تەحنيكالىق جەڭىلىس بەرىلدى.
پەتروپاۆل كلۋبى مۇنداي شەشىممەن كەلىسپەيتىنىن ءبىلدىردى. وندا «ءارقاشان Fair Play قاعيداتتارىن، ادال سپورتتىق كۇرەستى جانە جارىس رەگلامەنتىنە قۇرمەتتى ۇستاناتىندارىن» مالىمدەدى.
«ءبىز كلۋبىمىز تاراپىنان ەشقانداي زاڭسىز نەمەسە قۇقىققا قايشى ارەكەتتەر جاسالماعانىنا سەنىمدىمىز، ال بارلىق پروسەدۋرالىق قادامدار تەك ادال جانە اشىق تۇردە ورىندالدى»، — دەلىنگەن « قىزىلجار» مالىمدەمەسىندە.
پەتروپاۆل كلۋبى جاقىن ارادا «ءتيىستى قۇقىقتىق شارالاردى» قولدانۋعا نيەتتى.