رەسەي پرەزيدەنتىنىڭ ءباسپاسوز حاتشىسى دميتري پەسكوۆ ۋكرايناداعى جانجالداعى جەڭىس "وتە جاقىن" ەكەنىن جانە اسكەري قيمىلداردىڭ ءساتتى ءوتىپ جاتقانىنا سەنىمدى ەكەنىن مالىمدەدى، دەپ حابارلايدى infohub.kz سايتى.
بريكس ءسامميتى قارساڭىندا جۋرناليستەرگە ارنالعان بريفينگتە سويلەگەن پەسكوۆ: "ءبىز جەڭىس (ۋكرايناداعى جانجالدا - رەد.) وتە جاقىن ەكەنىنە سەنىمدىمىز. ءبىز اسكەري الەۋەتىمىزگە، اسكەري قيمىلدارىمىزعا وتە سەنىمدىمىز، ولار وتە ءساتتى ءوتىپ جاتىر"، - دەپ اتاپ ءوتتى.
ونىڭ ايتۋىنشا، ەگەر كييەۆ بيلىگى قيىن شەشىمدەرگە دايىن بولسا، جانجال الدەقايدا ەرتە اياقتالۋى مۇمكىن ەدى. "ەگەر كيەۆتە جاۋاپكەرشىلىكتى ءوز موينىنا الىپ، وتە قيىن شەشىمدەر قابىلدايتىن بىرەۋ تابىلسا، سوعىس الدەقاشان اياقتالۋى مۇمكىن ەدى"، - دەپ قوستى ول.
ەسكە سالايىق، وتكەن دەمالىس كۇندەرى اقش-تىڭ ارنايى وكىلى ستيۆ ۋيتكوفف پەن اق ءۇيدىڭ كەڭەسشىسى دجارەد كۋشنەر ماسكەۋگە بارىپ، رەسەي كوشباسشىسى ۆلاديمير پۋتينمەن كەلىسسوزدەر جۇرگىزدى. كەيىن ولار ۋكراينا پرەزيدەنتى ۆلاديمير زەلەنسكيمەن كەزدەستى. وسىدان كەيىن ۋيتكوفف زەلەنسكي، پۋتين جانە ترامپ قاتىساتىن ىقتيمال كەلىسسوزدەر تۋرالى پىكىر ءبىلدىردى.