رەسەي پرەمەر-ليگاسىنىڭ جەتىنشى تۋرىندا سامارانىڭ «كرىليا سوۆەتوۆ» كومانداسى مەن «كراسنودار» اراسىنداعى ماچ 2:2 ەسەبىمەن تەڭ اياقتالىپ، جەڭىمپاز انىقتالمادى، دەپ حابارلايدى infohub.kz.
كەزدەسۋ «سوليدارنوست سامارا ارەنا» ستاديونىندا ءوتتى. 17-مينۋتتا قوناقتار ەكى دوپ ايىرماشىلىعىمەن العا شىقتى: كولۋمبيالىق شابۋىلشى دجون كوردوبا (3-مينۋت) جانە انگولالىق ۆينگەر جواۋ باچي (17-مينۋت) گول سوقتى.
ەكىنشى تايمدا الاڭ يەلەرى ەسەپتى تەڭەستىرە الدى. بوسنيالىق جارتىلاي قورعاۋشى امار راحمانوۆيچ 55ء-شى جانە 79-شى مينۋتتاردا قارسىلاس قاقپاسىنا ەكى دوپ سوعىپ، دۋبل جاسادى.
قازاقستان قۇراماسىنىڭ ۆينگەرى يسلام چەسنوكوۆ «كرىليا سوۆەتوۆ» ساپىندا ستارتتىق قۇرامدا الاڭعا شىعىپ، ءبىرىنشى تايمنان كەيىن اۋىستىرىلدى. وسى ۋاقىت ىشىندە ول دوپقا 12 رەت قاعىپ، بەس پاس بەردى، ونىڭ ۇشەۋى ءدال بولدى.
سامارالىق كوماندا جەتى ۇپاي جيناپ، قوسىمشا كورسەتكىشتەر بويىنشا «ورەنبۋرگ»-تى باسىپ وزىپ، توعىزىنشى ورىنعا كوتەرىلدى. «كراسنودار» رپل ماۋسىمىندا العاش رەت جەڭىسكە جەتە المادى. رەسەيدىڭ قازىرگى ۆيسە-چەمپيونى 19 ۇپايمەن تۋرنير كەستەسىندە كوش باستاپ تۇر.