كەشكى ۋاقىتتا الماتىنىڭ ءبىر شاعىن اۋدانىندا قالا تۇرعىنىنا شابۋىل جاسالىپ، ونىڭ ۇيالى تەلەفونى جوعالعان. وقيعا قۇنايەۆ كوشەسىندە بولعان، زارداپ شەككەن ادام دەرەۋ پوليسياعا حابارلاسقان، دەپ حابارلايدى infohub.kz.
قالالىق پوليسيا دەپارتامەنتىنىڭ مالىمەتىنشە، وقيعا ورنىنا مەدەۋ اۋدانىنىڭ التى پاترۋلدىك ەكيپاجى جەدەل جەتكەن. ءتارتىپ ساقشىلارى ماڭايداعى اۋماقتى تەكسەرىپ، قىلمىسكەرلەردىڭ ىقتيمال قاشۋ جولدارىن انىقتاعان.
كوپ ۇزاماي العاشقى ناتيجەلەر پايدا بولدى: ءىزىن سۋىتپاي، بەلگىلەرى بويىنشا ەكى كۇدىكتى انىقتالىپ، ۇستالدى. ودان ءارى جەدەل ءىس-شارالار بارىسىندا ۇرلانعان تەلەفوندى ۇلگەرىپ ساتىپ جىبەرگەندەرى بەلگىلى بولدى. پوليسەيلەر ۇيالى قۇرىلعىنى ساتىپ العان ادامدى انىقتاپ، ونى تاركىلەپ، قاجەتتى تەرگەۋ-جەدەل ىس-ارەكەتتەرىنەن كەيىن پروسەسسۋالدىق تارتىپپەن يەسىنە قايتاردى.
ەكى كۇدىكتى دە ۋاقىتشا ۇستاۋ يزولياتورىنا قامالدى. وسى فاكتى بويىنشا قىلمىستىق ءىس قوزعالدى، — دەپ حابارلادى پوليسيا.