اقمولا وبلىسىندا كۇنباعىس گۇلدەگەن كەزەڭدە پوليسەيلەر جۇرگىزۋشىلەردى جىلدامدىق تاسجولىندا ادەمى سۋرەتكە ءتۇسۋ ءۇشىن توقتاۋدىڭ اۋىر زارداپتارى تۋرالى ەسكەرتەدى. استانا-ششۋچينسك اۆتوجولىنىڭ بويىنداعى كوركەم القاپتار كوپتەگەن اۆتوكولىك جۇرگىزۋشىلەرىن تارتادى، الايدا مۇنداي توقتاۋلارعا تىيىم سالىنعان جانە ءقاۋىپتى، دەپ حابارلايدى infohub.kz.
اقمولا وبلىسى پد پاترۋلدىك پوليسيا باتالونىنىڭ 2ء-شى ۆزۆود كومانديرىنىڭ مىندەتىن اتقارۋشى ەربول دۇيسەتايدىڭ ايتۋىنشا، بۇل ۋچاسكە جىلدامدىق اۆتوبان بولىپ تابىلادى، مۇندا كولىك قۇرالدارىنىڭ توقتاۋىنا تىيىم سالىنعان. مۇندا بارلىق قاجەتتى جول بەلگىلەرى، سونىڭ ىشىندە «توقتاۋعا تىيىم سالىنادى» بەلگىسى ورناتىلعان، سونداي-اق ءتيىستى جول بەلگىلەرى سىزىلعان.
كۇنباعىس گۇلدەگەن كەزەڭنەن باستاپ پاترۋلدىك پوليسيا قىزمەتكەرلەرى جول بەلگىلەرىنىڭ تالاپتارىن ەلەمەگەن 25-كە جۋىق جۇرگىزۋشىنى اكىمشىلىك جاۋاپكەرشىلىككە تارتتى.
پوليسەيلەر جىلدامدىق اۆتوجولىندا توقتاۋ جول قوزعالىسى قاۋىپسىزدىگىنە ناقتى ءقاۋىپ توندىرەتىنىن ەسكە سالادى. پاترۋلدىك كولىك پايدا بولعان كەزدە جۇرگىزۋشى كەتىپ ۇلگەرسە دە، بۇل جىبەرىلگەن بۇزۋشىلىق ءۇشىن جاۋاپكەرشىلىكتەن بوساتپايدى.