2026 جىلى كۇزدە قازاقستان تۇرعىندارى قىركۇيەك پەن قاراشا ايلارىندا ادەتتەگى جۇمىس كۇندەرىن كۇتەدى، الايدا قازان ايىندا ۇلتتىق مەرەكە — رەسپۋبليكا كۇنىنە بايلانىستى ءۇش كۇندىك دەمالىس مۇمكىندىگى تۋادى، دەپ حابارلايدى infohub.kz سايتى.
قىركۇيەك ايىندا رەسمي مەرەكە كۇندەرى جوق. بەس كۇندىك جۇمىس اپتاسىندا سەگىز دەمالىس جانە 22 جۇمىس كۇنى قاراستىرىلعان، التى كۇندىك اپتادا — ءتورت دەمالىس جانە 26 جۇمىس كۇنى.
قازان ايىندا رەسپۋبليكا كۇنىن قاتارىنان ءۇش كۇن اتاپ وتۋگە بولادى: 24، 25 جانە 26 قازان (سەنبى، جەكسەنبى جانە دۇيسەنبى). 25 قازان جەكسەنبىگە سايكەس كەلەتىندىكتەن، دەمالىس كەلەسى جۇمىس كۇنىنە — 26 قازان دۇيسەنبىگە اۋىستىرىلادى. قازان ايىنداعى دەمالىس كۇندەرىنىڭ جالپى سانى 10 كۇندى قۇرايدى.
رەسپۋبليكا كۇنى — ەلدەگى باستى جانە جالعىز ۇلتتىق مەرەكە. ءدال وسى كۇنى 1990 جىلى مەملەكەتتىك ەگەمەندىك تۋرالى دەكلاراسيا قابىلداندى، وندا مەملەكەتتىلىكتىڭ نەگىزگى قاعيداتتارى العاش رەت بەكىتىلدى.
2026 جىلعى قاراشا ايىندا مەملەكەتتىك مەرەكەلەر كۇتىلمەيدى، سوندىقتان دەمالىس تەك سەنبى جانە جەكسەنبى كۇندەرىمەن شەكتەلەدى — بارلىعى توعىز دەمالىس كۇنى.
ەسكە سالا كەتەيىك، قازاقستاننىڭ وقۋشىلارى كۇزگى كانيكۋلعا جەتى كۇنگە — 2026 جىلعى 26 قازاننان 1 قاراشاعا دەيىن شىعادى.