قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتى (ۇقمك) «اك-تيلەك — اۆتوجول» باقىلاۋ-وتكىزۋ پۋنكتىندە (قازاقستان جاعىنان — «قاراسۋ» بەكەتى) ارەكەت ەتكەن تۇراقتى سىبايلاس جەمقورلىق توبىنىڭ جۇمىسىن توقتاتتى، دەپ حابارلايدى infohub.kz.
جەدەل-ىزدەستىرۋ ءىس-شارالارى بارىسىندا قۇقىق قورعاۋ ورگاندارى لاۋازىمدى تۇلعالاردىڭ مەملەكەتتىك شەكارا ارقىلى كوممەرسيالىق جۇكتەردى زاڭسىز جانە كەدەرگىسىز وتكىزۋ سحەماسىن ۇيىمداستىرعانىن انىقتادى.
ارنايى قىزمەتتىڭ مالىمەتىنشە، مەملەكەتتىك شەكارا قىزمەتى (مشق) جانە مەملەكەتتىك سالىق قىزمەتىنىڭ ەاەو باسقارماسى قىزمەتكەرلەرى تۇراقتى اقشالاي سىياقى ءۇشىن قازاقستاننان قىرعىزستان اۋماعىنا كوممەرسيالىق تاۋارلار تيەلگەن اۋىر جۇك كولىكتەرىن وتكىزىپ جۇرگەن. بۇل رەتتە رەسمي قۇجاتتار مەن ەسەپتەر بويىنشا جۇك تيەلگەن فۋرالار مۇلدەم بوس كولىك رەتىندە كورسەتىلگەن.
قىلمىستىق ءىس تەرگەۋى اياسىندا ۇقمك قىزمەتكەرلەرى سحەماعا قاتىسقان ءتورت ادامدى ۇستادى: ۇقمك شەكارا قىزمەتىنىڭ اسكەري قىزمەتكەرى ە.ۋ.چ.؛ سولتۇستىك ايماق بويىنشا ەاەو بويىنشا مسب قىزمەتكەرلەرى دج.م.ت. جانە و.ك.ي.؛ اۋىر جۇك كولىگىنىڭ جۇرگىزۋشىسى ن.م.س. بارلىق كۇدىكتىلەر ق ر قىلمىستىق-پروسەستىك كودەكسىنىڭ 96-بابىنا سايكەس ۇقمك تەرگەۋ يزولياتورىنا قامالدى. قازىرگى ۋاقىتتا تەرگەۋ ورگاندارى ءىستىڭ بارلىق ءمان-جايىن انىقتاۋ جانە قىلمىستىق توپتىڭ باسقا دا ىقتيمال مۇشەلەرىن انىقتاۋ ءۇشىن جەدەل ءىس-شارالاردى جالعاستىرۋدا.