قازاقستان سىرتقى ىستەر مينيسترلىگىنىڭ مالىمەتىنشە، ەلىمىزدىڭ ازاماتشاسى تۋريستىك توپ قۇرامىندا قىتايدان نەپالعا شەكارادان وتكەن، دەپ حابارلايدى infohub.kz سايتى.
الدىڭعى كۇنى جۇڭگو مەن نەپال اراسىنداعى شەكارا وتكەلى ماڭىندا كوشكىن ءجۇرىپ، جول قوزعالىسىنا، بايلانىس پەن ەلەكترمەن جابدىقتاۋعا اسەر ەتكەنى بەلگىلى بولدى. كەيىن كۇشتى سۋ تاسقىنى سالدارىنان مىڭداعان ادام حابارسىز كەتكەنى حابارلاندى. ءىرى تاسقىننىڭ سەبەبى جەر سىلكىنىسى مەن ودان كەيىنگى كوشكىن دەپ اتالدى.
وسىدان كەيىن ق ر ءسىم ازاماتتارىمىز تۋرالى العاشقى مالىمەتتەردى جاريالادى. الدىڭعى كۇنى تج بولعان جەردە قازاقستاندىقتار تۋرالى اقپارات بەلگىسىز ەدى. بۇگىن NUR.KZ تىلشىسىنە جاڭا دەرەكتەر حابارلاندى.
«الدىن الا اقپارات بويىنشا، قازاقستان ازاماتشاسى تۋريستىك توپ قۇرامىندا نەپالدان قىتايعا شەكارادان وتكەن. ازاماتشامىزدىڭ قازىرگى ورنى ازىرگە بەلگىسىز. حابارسىز كەتكەندەردى ىزدەۋ جۇمىستارى جۇرگىزىلۋدە. قازاقستاندىق ديپلوماتتار جەرگىلىكتى مەملەكەتتىك ورگاندارمەن جۇمىستى جالعاستىرۋدا»، — دەلىنگەن تۇسىنىكتەمەدە.
ايتا كەتەيىك، بۇگىن تاڭەرتەڭ تابيعي اپات قۇرباندارىنىڭ سانى 160-تان استى. سونداي-اق نەپال مەن جۇڭگو بيلىگى ءبىرقاتار ەلدىڭ ازاماتتارىنىڭ حابارسىز كەتكەنى تۋرالى حابارلاعان.