قىزىلوردادا قىزعا زورلىق كورسەتكەن پرانك ءىسى بويىنشا تەرگەۋ اياقتالدى. ليفتتە ويىن ۇيىمداستىرعان جىگىت اكىمشىلىك جاۋاپكەرشىلىككە تارتىلىپ، ايىپپۇل تولەدى، دەپ حابارلايدى infohub.kz.
وقيعا قالاداعى تۇرعىن ۇيلەردىڭ بىرىندە بولعان. جاريالانعان كادرلاردا ەر ادامنىڭ قاسىنداعى تانىس قىزدى ۇستاپ الىپ، شابۋىل جاساعانداي كورىنەتىنى بايقالادى. ءبىر كەزدە ليفتتە بولعان تاعى ءبىر قىز ارالاسىپ، ونى توقتاتادى.
قىزىلوردا وبلىستىق پوليسيا دەپارتامەنتىندە بەينەجازبا الەۋمەتتىك جەلىلەردى مونيتورينگىلەۋ كەزىندە انىقتالعانىن حابارلادى. قۇقىق قورعاۋ ورگاندارى قاتىسۋشىلاردىڭ ارەكەتتەرى اينالاسىنداعىلارعا ءقاۋىپ توندىرگەنىن انىقتادى. بەينەروليكتىڭ سوڭىندا قاتىسۋشىلاردىڭ وزدەرى بۇل پرانك ەكەنىن مويىندادى.
قىزىلوردانىڭ 20 جاستاعى تۇرعىنى پوليسياعا جەتكىزىلدى. سوت شەشىمىمەن ول ايىپپۇل تۇرىندەگى اكىمشىلىك جاۋاپكەرشىلىككە تارتىلدى.
پوليسيا مۇنداي «ازىلدەردىڭ» جول بەرىلمەيتىنىن اتاپ ءوتىپ، ازاماتتاردى قوعامدىق ءتارتىپتى ساقتاۋعا جانە اينالاسىنداعىلارعا قۇرمەتپەن قاراۋعا شاقىردى.