بيىلعى جىلدىڭ باسىنان بەرى قازاقستاننىڭ قايتالاما نارىعىندا پاتەر باعاسى ورتا ەسەپپەن 2%-عا ءوستى، الايدا ءبىرقاتار قالادا ءوسىم 8%-دان استى. الماتىدا باعا كەرىسىنشە 1،4%-عا تومەندەدى، ءبىراق مەگاپوليس ءالى دە تۇرعىن ءۇيدىڭ ورتاشا قۇنى بويىنشا كوش باستاپ تۇر، دەپ حابارلايدى infohub.kz.
«كرىشا» پورتالىنىڭ دەرەكتەرىنە سايكەس، الماتىدا ءبىر بولمەلى پاتەردىڭ ورتاشا باعاسى 26،5 ملن تەڭگە، ەكى بولمەلى — 40 ملن تەڭگە، ال ءۇش بولمەلى — 57 ملن تەڭگە. ەكىنشى ورىندا استانا تۇر، وندا «ءبىر بولمەلى» ورتا ەسەپپەن 23 ملن تەڭگە، «ەكى بولمەلى» — 34 ملن تەڭگە، ال «ءۇش بولمەلى» — 52 ملن تەڭگە. ءۇشىنشى ورىندى شىمكەنت يەلەندى، تيىسىنشە 17،8 ملن، 25 ملن جانە 33 ملن تەڭگە.
العاشقى بەستىككە اتىراۋ (16-دان 30 ملن تەڭگەگە دەيىن) جانە قوستاناي (17-دەن 30 ملن تەڭگەگە دەيىن) كىردى. سونىمەن قاتار، ەڭ قولجەتىمدى ءبىر بولمەلى پاتەرلەر قىزىلوردادا ساتىلۋدا — ورتا ەسەپپەن 8 ملن تەڭگە، سونداي-اق ءۇش بولمەلى پاتەرلەردىڭ ەڭ تومەنگى باعاسى دا وسىندا — 18 ملن تەڭگە. ەكى بولمەلى پاتەرلەر جەزقازعاندا ەڭ ارزان — شامامەن 13 ملن تەڭگە.
ساراپشىلار ەل بويىنشا باعانىڭ ايتارلىقتاي الشاقتىعىن اتاپ وتەدى: ءىرى قالالارداعى ءبىر پاتەردىڭ قۇنى كوبىنەسە ايماقتارداعى ءۇش پاتەردى بىردەن ساتىپ الۋعا تەڭ. مىسالى، الماتىداعى «ءبىر بولمەلى» باعاسىنا قىزىلوردادا ءۇش ءبىر بولمەلى پاتەر ساتىپ الۋعا بولادى، ال الماتىداعى «ەكى بولمەلى» قۇنى جەزقازعانداعى ءۇش ەكى بولمەلى پاتەردىڭ باعاسىنا تەڭ دەرلىك. استاناداعى «ءۇش بولمەلى» باعاسى قىزىلورداداعى ءۇش وسىنداي پاتەرمەن سالىستىرۋعا بولادى.
بۇعان دەيىن ۇلتتىق بانك استانا مەن الماتىداعى تۇرعىن ءۇيدىڭ نەگە سونشالىقتى قىمبات ەكەنىن تۇسىندىرگەن بولاتىن، ال ساراپشىلار وسى قالالاردىڭ قايسىسىندا پاتەر ساتىپ الۋ ءتيىمدى ەكەنىن ايتتى. الماتىداعى باعانىڭ ەل بويىنشا ورتاشا كورسەتكىشتەن جوعارى بولۋ سەبەپتەرى دە الدىڭعى جاريالانىمداردا قاراستىرىلعان.