جەتىسۋدا لوگيستيكالىق كومپانيا ۇلتتىق جانە شەتەل ۆاليۋتاسىن رەپاترياسيالاۋ تالاپتارىن بۇزعانى ءۇشىن اكىمشىلىك ايىپپۇل 262،6 ملن تەڭگەگە دەيىن ۇلعايتىلدى. پروكۋراتۋرا ارالاسقاننان كەيىن بيۋدجەتكە قوسىمشا 55،7 ملن تەڭگە ءوندىرىلدى، دەپ حابارلايدى infohub.kz سايتى.
وبلىس پروكۋراتۋراسىنىڭ ءباسپاسوز قىزمەتىنىڭ مالىمەتىنشە، بۇل حالىقارالىق مۋلتيمودالدى لوگيستيكامەن اينالىساتىن اكسيونەرلىك قوعامنىڭ فيليالى تۋرالى بولىپ وتىر. كومپانيا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 251-بابىنىڭ 2-تارماعىنا سايكەس اكىمشىلىك جاۋاپكەرشىلىككە تارتىلدى.
باستاپقىدا پانفيلوۆ اۋداندىق سوتى فيليالعا 206،9 ملن تەڭگە كولەمىندە ايىپپۇل سالعان بولاتىن. الايدا پانفيلوۆ اۋدانىنىڭ پروكۋراتۋراسى جازا تاعايىنداۋ كەزىندە سوت اقبتك-نىڭ 44-بابىنىڭ تالاپتارىن تولىق ەسكەرمەدى دەپ ەسەپتەپ، اپەللياسيالىق ءوتىنىشحات بەردى.
«اپەللياسيالىق ساتىداعى سوت پروكۋراتۋرانىڭ ۇستانىمىن قولداپ، ايىپپۇل سوماسىن 262،6 ملن تەڭگەگە دەيىن ۇلعايتتى. وسىلايشا، پروكۋرورلىق ىقپال ەتۋ شارالارىنىڭ ارقاسىندا مەملەكەت كىرىسىنە قوسىمشا 55،7 ملن تەڭگە ءوندىرىلۋى قامتاماسىز ەتىلدى»، — دەپ حابارلادى قاداعالاۋ ورگانى.
قازىرگى ۋاقىتتا كومپانيا اكىمشىلىك ايىپپۇلدى تولىق تولەدى. بيۋدجەتكە 262،6 ملن تەڭگە ءتۇستى.
بۇعان دەيىن «كۋرسيۆ» «قاراعاندى سۋ» ج ش س لاس اعىندى سۋلار ءۇشىن 10 ملن تەڭگەگە جۋىق ايىپپۇل سالىنعانىن حابارلاعان بولاتىن.