ليتوسفەرا تاقىرىبى بويىنشا قايتالاۋ

6 سىنىپ اشىق ساباق.
ساباقتىڭ تاقىرىبى: «ليتوسفەرا» تاقىرىبى بويىنشا قايتالاۋ.
ساباقتىڭ ماقساتى: وقۋشىلاردىڭ جۇيەلى ويلاۋىن، وزدىگىنەن، توپ بولىپ جۇمىس ىستەۋ داعدىلارىن ودان ءارى دامىتۋ؛
وقۋشىلاردى ىزدەنىمپازدىققا، جاۋاپكەرشىلىككە، ءوز بەتىمەن جۇمىس ىستەۋگە، تابيعاتتى قورعاۋعا تاربيەلەۋ ماقساتىندا قورىتىندى – قايتالاۋ ساباعى؛
ساباقتىڭ كورنەكىلىكتەرى: كارتا، كەسكىن كارتا، ساباق جوسپارى جازىلعان پلاكات، جەردىڭ قۇرىلىسى (ىشكى، سىرتقى) سىزباسى، تەرمين سوزدەردىڭ كەستەسى، ۇلى تۇلعالاردىڭ اتى - ءجونى جازىلعان پلاكات.
ساباقتىڭ ءتۇرى: ارالاس ساباق، بيولوگيا، تاريح، ادەبيەت، دەنە شىنىقتىرۋ پاندەرىمەن بايلانىستىرادى.

ساباقتىڭ ءجۇرىسى:
I ۇيىمداستىرۋ
ساباقتىڭ جوسپارى:
1. وتكەن ساباق بويىنشا ءبىلىم داعدىلارىن تەكسەرۋ (كورنەكىلىكتەر ارقىلى)
2. تەست تاپسىرمالارى (اۋىزشا)
3. فۋتبول ويىنى (دەڭگەيلىك تاپسىرمالار)
4. كارتامەن جۇمىس
5. تەرميندەرمەن جۇمىس (كەستە ارقىلى)
6. ۇلى تۇلعالاردى تانۋ جارىسى (توپپەن جۇمىس)
7. ءسوزجۇمباق
قورىتىندى

وقۋشىلار ءۇي تاپسىرماسى بويىنشا تومەندەگىدەي سۇراقتار مەن تاپسىرمالارعا جاۋاپ بەرەدى.
a) جەردىڭ سىرتقى قۇرىلىسىن اتاپ، توپتاستىرىپ سيپاتتاما بەر.
b) وسىنىڭ ىشىندە ءبىز وتكەن «ليتوسفەرا» دەگەنىمىز قانداي قابات؟ ول قانداي ماعىنانى بىلدىرەدى؟
c) جەردىڭ ىشكى قۇرىلىسىن اتاپ، توپتاستىر سيپاتتاما بەر.
d) ليتوسفەرالىق تاقتا جەگەن نە؟ ليتوسفەرالىق تاقتا نەشەۋ؟ اتاپ شىق.
ەسكەرتۋ: وسى كەزدە ءار قاتاردان جاقسى وقيتىن 1 - وقۋشى قاتارىنداعى وقۋشىلاردىڭ بەرگەن جاۋابى بەلگىلەپ وتىرادى
ال كەلەسى تەست تاپسىرماسىن مەن اۋىزشا وقيمىن. سەندەر سۇراقتاردىڭ قايسىسى دۇرىس جاۋاپتارىن 4 جاۋاپ قولدارىڭداعى
ا، ءا، ب، ۆ دەگەن ۇلەستىرمە ارقىلى كوتەرىپ وتىراسىزدار. قاتە كوتەرگەن وقۋشىعا سارى بەلگى بەرىلەدى. ال مۇقيات تىڭدايمىز
1. جەردىڭ ەڭ ۇستىڭگى قاتتا قاباتى
ا) بيوسفەرا ءا) اتموسفەرا ب) ليتوسفەرا ۆ) گيدروسفەرا

2. ەۋرازيا ماتەريگىندەگى ەڭ بيىك سونبەگەن جانارتاۋ
ا) ۆەزۋۆي، ءا) قازبەك ب) كليۋچي شوقىسى ۆ) كيليماندجارو
3. جەر سىلكىنۋ ءجيى بولاتىن ايماقتار:
ا) جازىقتار ءا) تاۋلى ايماقتار ب) ويپاتتار ۆ) ۇستىرتتەر
4. جەر قىرتىسىنىڭ قوزعالىسىن باقىلايتىن اسپاپ
ا) نيۆەلير ءا) تۇسباعار ب) سەيسموگراف ۆ) ەحولوت
5. جەر سىلكىنۋ وشاعى ءدۇمپۋىنىڭ جەر بەتىنە شىعاتىن جەرى
ا) كراتەر ءا) ەپيسەنتر ب) جانارتاۋ ۆ) گەيزەر
6. فونتان سياقتى اتقىلايتىن ىستىق بۇلاق
ا) لاۆا ءا) گەيزەر ب) گنەيس ۆ) كراتەر
7. حيميالىق شوگىندى تاۋ جىنىسى
ا) قۇمتاس ءا) اكتاس ب) شاعىن ۆ) تاس تۇزى
8. شولدەردە جەلدىڭ ارەكەتىنەن پايدا بولاتىن وراق تارىزدەس قۇم توبەشىكتىڭ اتى
ا) جىرا ءا) شاتقال ب) شاعىل ۆ) بارقان

جاقسى بالالار. ەندى ءبىز دەڭگەيلىك تاپسىرما ورىنداپ كورەيىك. دەنە شىنىقتىرۋ ساباعىنان بارلىقتارىن بىلەتىن «فۋتبول ويىنىن» وينايىق. ويىن شارتى مىناداي:
ءقازىر ورتاعا
1) قاقپاشىلار – وتە جاقسى وقيتىن وقۋشىدان 2 وقۋشى 1 دەڭگەيدەگى
2) قورعاۋشىلار – جاقسى وقيتىن وقۋشىدان 4 وقۋشى 2 دەڭگەيدەگى
3) شابۋىلشىلار – ناشار وقيتىن وقۋشىدان 4 وقۋشى شىعادى
تورەشى: «وتە جاقسى» وقيتىن ءبىر وقۋشىنى سايلاپ الامىز. ول وقۋشى بارلىق جاۋاپتى تەكسەرىپ تۇرادى. قاتەلەسكەن، دۇرىس جاۋاپ بەرمەگەن وقۋشىعا ءوزىنىڭ سارى ۇلەستىرمە – سۇراعىن بەرەدى. جاۋاپ بەرە الماعان كومانداعا «گول» بولادى. سىنىپ ەكى كومانداعا بولىنەدى. الا دوپتىڭ سۋرەتى بار ۇلەستىرمە «دەڭگەيلىك» سۇراقتار تاراتىلادى. دوپتى كىمگە بەرسە، سول وقۋشى جاۋاپ بەرىپ وتىرادى. جاۋاپ بەرگەن وقۋشى كەلەسى بالاعا بەرۋى ءتيىس.

گەوگرافيا ءپانىنىڭ ءمۇعالىمى: قوسبەرەگەنوۆا نۇرشاگۇل

ليتوسفەرا تاقىرىبى بويىنشا قايتالاۋ. جۇكتەۋ