قازاقستاندا ماگيستراتۋراعا تۇسۋگە ارنالعان كەشەندى تەستىلەۋدىڭ ارالىق قورىتىندىسى شىعارىلدى: 67 قاتىسۋشى ەرەجە بۇزعان، دەپ حابارلايدى infohub.kz سايتى.
عىلىم جانە جوعارى ءبىلىم مينيسترلىگىنىڭ مالىمەتىنشە، تەستىلەۋدەن 43 مىڭنان استام ۇمىتكەر وتكەن. عىلىمي-پەداگوگيكالىق باعىت بويىنشا شەكتى باللدى 44% ۇمىتكەر جيناسا، كاسىپتىك باعىت بويىنشا 21% جيناعان. عىلىمي-پەداگوگيكالىق باعىت بويىنشا ورتاشا كورسەتكىش 75 باللدى قۇراسا، كاسىپتىك باعىت بويىنشا 23 بالل بولدى. ەڭ جوعارى بالل — 138.
ماگيستراتۋراعا ءتۇسۋ ءۇشىن عىلىمي-پەداگوگيكالىق باعىت بويىنشا شەكتى بالل — 75، كاسىپتىك باعىت بويىنشا — 30 بالل ەكەنى اتاپ ءوتىلدى. سونىمەن قاتار، تەستىلەۋ باستالعاننان بەرى ەرەجە بۇزعانى ءۇشىن 67 قاتىسۋشىنىڭ ناتيجەسى جويىلدى. ونىڭ ىشىندە سمارتفون، شپارگالكا جانە باسقا دا تىيىم سالىنعان زاتتاردى وتكىزۋگە تىرىسقانى ءۇشىن 49 ۇمىتكەر تەستىلەۋگە جىبەرىلمەدى. تەستىلەۋ كەزىندە ەرەجە بۇزعانى ءۇشىن اۋديتوريادان 18 ادام شىعارىلىپ، ولاردىڭ ناتيجەلەرى دە جويىلدى.
كەشەندى تەستىلەۋ ناتيجەلەرىمەن كەلىسپەگەن جاعدايدا، ۇمىتكەرلەر تەستىلەۋ اياقتالعاننان كەيىن ونلاين اپەللياسيا بەرە الادى. اپەللياسيا 7 جۇمىس كۇنى ىشىندە قارالادى، سودان كەيىن ۇمىتكەردىڭ سەرتيفيكاتى جەكە كابينەتتە قولجەتىمدى بولادى، دەپ اتاپ ءوتتى مينيسترلىكتە.
ۆەدومستۆو كەشەندى تەستىلەۋگە بارلىعى 61 مىڭنان استام ءوتىنىش تۇسكەنىن ەسكە سالدى. ال بيىل ماگيستراتۋرادا وقۋعا شامامەن 11 مىڭ گرانت بولىنگەن.