اتىراۋ وبلىسىندا جۇمىس ىستەيتىن قازاقستاندىق «اسكەر مۋناي ەكسپلورەيشن» مۇناي ءوندىرۋ كومپانياسى نەگىزگى ۋچاسكەلەرىن يگەرۋ مەرزىمىن ايتارلىقتاي ۇزارتتى. بۇل تۋرالى ونىڭ قارجىلىق ەسەپتىلىگىندەگى دەرەكتەر كورسەتەدى، دەپ حابارلايدى infohub.kz سايتى.
2026 جىلدىڭ ناۋرىزىندا كاسىپورىن 2003 جىلعى 13 جەلتوقسانداعى № 1280 كەلىسىمشارتقا قوسىمشا كەلىسىمگە قول قويدى. قۇجات تۇز ءۇستى قاباتتاعى جەر قويناۋىنداعى ءوندىرۋ كەزەڭىن 2048 جىلدىڭ ناۋرىزىنا دەيىن ۇزارتادى.
سول ايدا «اسكەر مۋناي ەكسپلورەيشن» اۋدانى 759 شارشى شاقىرىم بولاتىن تۇز استى قاباتىنداعى ءداستۇرلى ەمەس كوزدەردەن كومىرسۋتەك وندىرۋگە جاڭا كەلىسىمشارت جاسادى — مەرزىمى 2065 جىلدىڭ ناۋرىزىنا دەيىن. وسى كەلىسىم اياسىندا توپ گەولوگيالىق بارلاۋدى قارجىلاندىرۋعا 1،25 ملرد تەڭگە بولۋگە مىندەتتەندى. قاراجات 2026–2030 جىلدار ارالىعىندا تەڭ ۇلەسپەن تولەنەدى.
2026 جىلدىڭ 18 قىركۇيەگىندە بەكىتىلگەن 2025 جىلعى اۋديتتەلگەن شوعىرلاندىرىلعان ەسەپتىلىككە سايكەس، كومپانيا تازا شىعىنىن بەس ەسە قىسقارتتى — 2024 جىلعى 10،45 ملرد تەڭگەدەن 1،97 ملرد تەڭگەگە دەيىن. سالىستىرساق، 2023 جىلدىڭ قورىتىندىسى بويىنشا شىعىن 4،3 ملرد تەڭگە، ال 2022 جىلى 5 ملرد تەڭگە بولعان.
دەگەنمەن 2025 جىلدىڭ سوڭىنا قاراي جيىنتىق جابىلماعان شىعىن 46،7 ملرد تەڭگەگە جەتتى، سول سەبەپتى مەنشىكتى كاپيتال تەرەڭ مينۋستا قالىپ وتىر — جارعىلىق كاپيتالى 23،39 ملرد تەڭگە بولعاندا مينۋس 23،31 ملرد تەڭگە.
«اسكەر مۋناي ەكسپلورەيشن» اكتيۆتەرى ءبىر جىلدا 32،17 ملرد تەڭگەدەن 34،7 ملرد تەڭگەگە ءوستى، ونىڭ 30،96 ملرد تەڭگەسى بارلاۋ جانە باعالاۋ اكتيۆتەرىنە تيەسىلى. شوتتارداعى قاراجات 32،6 ملن تەڭگەدەن 355،9 ملن تەڭگەگە كوبەيدى، تاعى 132،8 ملن تەڭگە پايدالانۋى شەكتەۋلى رەتىندە ەسەپتەلەدى.
كومپانيانىڭ مىندەتتەمەلەرى 58،01 ملرد تەڭگەگە دەيىن ءوستى، 2024 جىلى بۇل كورسەتكىش 53،52 ملرد تەڭگە ەدى. قارىزدىڭ نەگىزگى بولىگى ۇزاق مەرزىمدى قارىزدارعا تيەسىلى — 46،51 ملرد تەڭگە. قىسقا مەرزىمدى قارىزدار 2،54 ملرد تەڭگەنى قۇرايدى، ال پروۆيزيا سومالارى 7،96 ملرد تەڭگەدەن اسادى.
اكىمشىلىك شىعىستار 487،2 ملن تەڭگەدەن 647،4 ملن تەڭگەگە ءوستى. الايدا كومپانيا اكتيۆتەردىڭ اۋقىمدى قۇنسىزدانۋىنان قۇتىلىپ كەتتى: وسى باپ بويىنشا شىعىندار 1،08 ملرد تەڭگەدەن 19،1 ملن تەڭگەگە دەيىن قۇلدىرادى. قارجىلىق شىعىستار 3،43 ملرد تەڭگەنى قۇرادى، ال وڭ باعامدىق ايىرما 1،87 ملرد تەڭگە اكەلدى، ءبىر جىل بۇرىن بۇل كورسەتكىش مينۋس 5،72 ملرد تەڭگە بولاتىن.
كومپانيا اتىراۋ وبلىسىنداعى قاراتوبە-بۇربايتال جانە كوبياكوۆسكايا ۋچاسكەلەرىندە بارلاۋ جانە ءوندىرۋ جۇمىستارىن جۇرگىزدى. جۇمىستار اۋدانى 92،9 شارشى شاقىرىم، تەرەڭدىگى 1،9 شاقىرىمعا دەيىنگى تۇز ءۇستى بۇربايتال كەن ورنىن جانە اۋدانى 758،6 شارشى شاقىرىم، تەرەڭدىگى 5،0–6،7 شاقىرىم بولاتىن تۇز استى ءداستۇرلى ەمەس كومىرسۋتەك كوزدەرى ۋچاسكەسىن قامتيدى.
كومپانيانىڭ 100 پايىز ۇلەسىنە يە جالعىز اكسيونەرى — نيدەرلاندىلىق Petroleum Partners B.V. تۇپكىلىكتى باقىلاۋشى تاراپ — مالتادا تىركەلگەن Falcon NR&I Fund Sicav اشىق ينۆەستيسيالىق قورى.
بۇعان دەيىن «كۋرسيۆ» مالتالىق قورعا تيەسىلى كومپانيانىڭ بۇربايتال كەن ورنىندا گاز ءوندىرۋدى باستاۋ جوسپارلارى تۋرالى جازعان بولاتىن.