قىزىلوردا وبلىسى، قازالى اۋدانى،
قازالى اۋىلى، №100 ورتا مەكتەپتىڭ پسيحولوگى
نۇرحوجاەۆا الفيرا قاناتباي قىزى

تاقىرىبى: «ماماندىقتى دۇرىس تاڭداۋ - تابىستى ءومىردىڭ كىلتى»
ماقساتى: وقۋشىلارعا ماماندىق تاڭداۋ، ولاردىڭ ادىستەرى تۋرالى بىلىمدەرىن، تۇسىنىكتەرىن كەڭەيتە وتىرىپ، ماماندىقتارعا دەگەن ىنتا-ىقىلاسىن، قىزىعۋشىلىقتارىن ارتتىرۋ.
وتكىزۋ فورماسى: دوڭگەلەك ۇستەل
قاتىسۋشىلار: 10-11- سىنىپ وقۋشىلارى

1.كىرىسپە ءسوز
الەمدە 40 مىڭعا جۋىق ءار ءتۇرلى ماماندىقتار بار. ستاتيستتەردىڭ زەرتتەۋى بويىنشا جىل سايىن 25 ملن. ادام ءوزىنىڭ جۇمىس ورنىن اۋىستىرىپ، ونىڭ 12℅ -ى قايتادان ءوز ورنىنا قايتىپ ورالادى ەكەن. بۇدان ماماندىقتى تاڭداۋدا ءار مامان قاتەلەسىپتى دەۋگە بولا ما؟ «ماماندىق - دەگەنىمىز نە؟» قوعامعا، ادامدارعا پايداسىن تيگىزەتىن ماماندىقتاردى قالاي تاڭداۋعا بولادى؟ وسى جانە تاعى باسقا ماسەلەلەر تۋرالى بۇگىن وي بولىسەمىز.
ماماندىق - قاراپايىم ءومىر ءسۇرۋ كوزى بولىپ تابىلاتىن جانە قاندايدا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى.

2. پىكىرتالاس
1) «مامان يەسى دەگەندى قالاي تۇسىنۋگە بولادى؟»
2) اتا-انالارىڭ وتباسىندا سەندەر جاقسى ماماندىق تاڭداۋدا ۇلكەن ازامات بولىپ ءوسۋ ءۇشىن، وزدەرىنە قانداي ماقساتتار قويۋى مۇمكىن؟
3) الداعى ۋاقىتتا قانداي مامان يەسى بولاتىنىڭدى، قانداي باعىتتى، قانداي وقۋ ورنىندا وقيتىنىڭدى جانە دە ءوزىڭنىڭ بولاشاق كاسىبي قىزمەتىڭ تۋرالى بىلەسىڭ بە؟ وسى تۋرالى ويلادىڭ با؟
4) ءوزىڭنىڭ بولاشاق ماماندىعىڭدى تاڭداي وتىرىپ، سەن تىرشىلىك ەتەتىن ايماققا قانداي ماماندىقتار قاجەت.

3. «ەڭ جاقسى» ويىنى
ءقازىر سەندەرگە ماماندىقتاردىڭ كەيبىر ەرەكشە مىنەزدەمەلەرىن ۇسىنامىن، ال سەندەر بەرىلگەن مىنەزدەمەگە سايكەس كەلەتىن ماماندىقتى اتايسىڭدار.
ەڭ جاسىل------------(ەكولوگ، گەوگراف، باقتاشى)
ەڭ ءتاتتى------------------(اسپاز، كونديتەر)
ەڭ اقشالى---------------(بانك قىزمەتكەرى، ەكونوميست)
ەڭ كۇلكىلى-------------------(كلوۋن)
ەڭ جاۋاپتى ----------------- (سوت، بۋحگالتەر)
ەڭ سالماقتى------------------- (ءمۇعالىم، زاڭگەر)
ەڭ قارىم-قاتىناسى كۇشتى------- (بيزنەسمەن)

4. سۋرەتتى تەست
قاتىسۋشىلارعا كۇن، بۇلت، جاڭبىر بەينەلەنگەن قاعازدار تاراتىلادى. بۇگىنگى ساباقتان العان اسەرلەرىن، بىر-بىرىنە تىلەكتەرىن سول بەرىلگەن سۋرەتتەردىڭ بىرەۋىنە جازادى.
كۇننىڭ سۋرەتى------- جاقسى، كوڭىلدى
بۇلتتىڭ سۋرەتى----- ورتاشا
جاڭبىر------------- تومەن

قورىتىندى
ءابۋناسىر ءال فارابي: «.... ادام كەز-كەلگەن جۇمىسقا جارامدى بولا بەرمەيدى. جۇمىستى نەعۇرلىم جەتىك جانە جاقسى اتقارسا بىلگىر جانە شەبەر بولىپ شىعادى. قانداي ارەكەت، قانداي ءىس ىستەسەك تە، سودان راحمەت تابۋ، سونىڭ راحاتىن كورۋ ءبىزدىڭ ماقساتىمىز بولىپ تابىلادى»،- دەگەن.