ماڭعىستاۋ وبلىسىندا «Tenge Oil&Gas» ج ش س نىساندارىندا («تەنگە» كەن ورنى) جوسپاردان تىس تەكسەرۋ باستالدى. وبلىستىق تجد ونەركاسىپتىك قاۋىپسىزدىك باسقارماسىنىڭ ينسپەكتورلارى كومپانيا باسشىلىعىنىڭ بۇرىن انىقتالعان بۇزۋشىلىقتاردى جويعانىن تەكسەرەدى، دەپ حابارلايدى infohub.kz سايتى.
ماماندار ۇسىنىلعان ەسەپتىك دەرەكتەردىڭ وندىرىستەگى ناقتى جاعدايعا سايكەستىگىن زەرتتەۋگە كىرىستى. سونىمەن قاتار، الدىڭعى باقىلاۋ قورىتىندىسى بويىنشا بەرىلگەن قاۋىپسىزدىك ەسكەرتۋلەرىنىڭ ورىندالۋ ساپاسى باعالانادى.
«تەكسەرۋ قورىتىندىسى كاسىپورىننىڭ وندىرىستىك قۋاتتاردى ودان ءارى ءقاۋىپسىز پايدالانۋعا دايىندىعىن كورسەتەدى»، — دەپ اتاپ ءوتتى ونەركاسىپتىك قاۋىپسىزدىك كوميتەتىندە.
ەگەر بۇزۋشىلىقتار جويىلماسا، كومپانيا زاڭناماعا سايكەس اكىمشىلىك جاۋاپكەرشىلىككە تارتىلادى.
كاسىپورىننىڭ الدىڭعى تەكسەرۋى 2023 جىلى جۇرگىزىلگەن ەدى. سوندا ينسپەكتورلار گاز پۋنكتىن، مۇناي جيناۋ پۋنكتىن، مۇناي دايىنداۋ قوندىرعىسىن، حيمزەرتحانانى جانە ۇڭعىمالاردى قوسا العاندا، 30 نىساندى تەكسەرگەن. باقىلاۋ قورىتىندىسى بويىنشا ونەركاسىپتىك قاۋىپسىزدىك سالاسىندا 27 بۇزۋشىلىق انىقتالىپ، كاسىپورىنعا ولاردى جويۋ تۋرالى نۇسقاما بەرىلگەن.
2010-شى جىلدارى «Tenge Oil&Gas» كومپانياسى قازاقستاندىق ميللياردەر تيمۋر كۋانىشەۆكە تيەسىلى بولعان، ول TNG Holding قۇرىلىمى ارقىلى تەنگە جانە وڭتۇستىك ماڭعىشلاق كەن ورىندارىن باسقارعان. ءقازىر قۇرىلتايشىلار قۇرامى وزگەرگەن. kompra.kz دەرەكتەرىنە سايكەس، «TENGE Oil & Gas» ءجشس-نىڭ تىكەلەي يەسى — «TNG Holding» ج ش س، ەكى قۇرىلىمدى دا چەن سينسزيۋن باسقارادى. حولدينگتىڭ ءوزى ەكى زاڭدى تۇلعاعا تيەسىلى: Caspian Innovator Limited — جەكە كومپانيا، ونىڭ جالعىز قۇرىلتايشىسى سزيان كۋيفەن، ال ءبىرىنشى باسشىسى — تارابۋكينا داريا اندرەەۆنا؛ جانە China Rising Energy International Kazakhstan — بىرلەسكەن قازاقستاندىق-قىتايلىق كومپانيا، ونىڭ يەسى دۋبايدىڭ (ءباا) ەركىن ەكونوميكالىق ايماعىندا تىركەلگەن Rising Energy International Middle East DMCC، ال ءبىرىنشى باسشىسى — سزيان كۋيفەن.
كەن ورنىنىڭ ءوزى ءىرى قىتايلىق مۇنايسەرۆيستىك كورپوراسيا Zhongman Petroleum and Natural Gas Group (ZPEC) كومپانياسىمەن بايلانىستى. ZPEC رەسمي سايتىندا «تەنگە» كورپوراسيانىڭ نەگىزگى شەتەلدىك اكتيۆتەرىنىڭ ءبىرى رەتىندە كورسەتىلگەن. قازاقستاننىڭ يندۋستريا مينيسترلىگىنىڭ دەرەكتەرى بويىنشا، بۇل كەن ورنىنداعى مۇناي مەن گاز قورى الداعى 24 جىلعا جەتەدى.
بۇعان دەيىن «كۋرسيۆ» قازاقستانداعى ەڭ ءىرى مۇناي كەن ورنىنىڭ وپەراتورىندا بۇزۋشىلىقتار انىقتالعانىن جازعان بولاتىن.