مەن جانە مەنىڭ ەسىمىم

«مەن جانە مەنىڭ ەسىمىم»

5 - 6 - سىنىپقا ارنالعان پسيحولوگيالىق ترەنينگ - ساباق

ماقساتى:
●“مەن” بەينەسىنىڭ جاعىمدىلىعىن قالىپتاستىرۋعا جاعداي جاساۋ؛
● قارىم – قاتىناس تۇرلەرىن دامىتۋ؛
● ءوزىن - ءوزى تانۋدى قالىپتاستىرۋ؛

بۇگىن ءبىز سىزدەرمەن وتكىزگەلى وتىرعان پسيحولوگيا ساباعىندا باسقا ساباقتاعىداي جاڭا ءبىلىم الامىز. ول ءبىلىم وزدەرىڭ تۋرالى، ءبارىمىز تۋرالى.
مەن كىممىن؟ وسى سۇراقتى ادامدار ءجيى قويىپ كەلەدى. ال ادامدارعا ونى ءبىلۋ نە ءۇشىن قاجەت؟
سونىمەن، “مەن كىممىن؟” ەڭ العاشقى جاۋاپ وزىنەن ءوزى تۋىندايدى (مەن اداممىن). ال، ءاربىر ادامدا ونسىز ءومىر سۇرە المايتىن نە بار؟ (ەسىم) ەندەشە مەن سەندەردىڭ ەسىمدەرىڭمەن جاقىنىراق تانىسقىم كەلەدى.

«ءوزىن - ءوزى تانىستىرۋ» جاتتىعۋى
وقۋشىلار شەڭبەر بويىمەن، ءبىرىن - ءبىرى قولدارىنان ۇستاپ تۇرىپ ءوزىنىڭ اتىن ايتادى دا، ونى كىم قويدى، ونىڭ شىعۋ تاريحىن، ءوزىنىڭ اتىنىڭ قانداي ماعىنا بەرەتىنىن ايتۋ. اتىنىڭ باس ارپىنە بايلانىستى قانداي جاقسى قاسيەتتەردى جاتقىزۋعا بولادى، سونى ايتادى.

م ە ن:
 مەن – تەك قول، اياق نەمەسە دەنە ەمەسپىن.
 مەن – بۇل سەندەردىڭ ويلارىڭ، سەزىمدەرىڭ، سوزدەرىڭ، سەندەردىڭ قىلىقتارىڭ، سەندەردىڭ ءبىر - بىرىڭە، باسقالارعا دەگەن كوزقاراستارىڭ

مەنىڭ ەسىمىم بولاشاقتا:

 ەسىمدەرىڭدى بولاشاقتا قانداي دارەجەدە ەلەستەتە الاسىڭدىر؟
 ەسىمدەرىڭنىڭ اتاۋىن نەگە بەرگىلەرىڭ كەلەدى؟

«مەنىڭ جاقسى قاسيەتتەرىم» جادىناما بلانكىسى
مەنىڭ جاقسى قاسيەتتەرىم -------
مەنىڭ قابىلەتىم مەن تالانتىم --------
مەنىڭ جەتىستىكتەرىم ---------

«كوز الدىڭا ەلەستەت» جاتتىعۋى
ءوز ەسىمدەرىڭدى ەلەستەتىڭدەر. ىڭعايلانىپ وتىرىڭدار (اياقتارىڭ ەدەندە، قولدارىڭ الدارىڭدا بوس جاتسىن)، بىرنەشە رەت تەرەڭ دەم الىپ، سىرتقا شىعارامىز. كوزىمىزدى جۇمامىز. مۇمكىن سەندەر ونى جازۋ كۇيىندە نەمەسە سۋرەت تۇرىندە كورەتىن شىعارسىڭدار. ول قانداي؟ ۇلكەن بە، الدە كىشى مە؟ ونىڭ ءتۇسى قانداي؟ نازىك پە، الدە ايقىن با؟ سەنىڭ ەسىمىڭدى ۇستاپ كورسە جۇمساق پا، الدە قاتتى ما، جىلى ما، الدە سۋىق پا؟ مۇمكىن ەسىمدەرىڭنىڭ دىبىسىن ەستىرسىڭدەر. ءوز ەسىمدەرىڭمەن وسى ساتتە بىرگە بولىڭدار. ال ەندى قايتامىز... كوزىمىزدى اشامىز، دەنەمىزدى جازامىز، تىك وتىرامىز.

«ورمەكشى تورى» جاتتىعۋى
ءبىز باسقا دا ادامدار اراسىندا ءومىر سۇرگەندىكتەن، ءبىز وزگە ادامنىڭ پىكىرىمەن دە ساناسۋىمىز كەرەك. ول ءۇشىن ءوزىمىز تۋرالى باسقالاردىڭ نە ويلايتىندىعىن ءبىلۋىمىز قاجەت. بۇل جاتتىعۋ بىزگە وزگە ادامنىڭ كوزىمەن قاراۋعا كومەكتەسەدى. ال بۇگىن مەن سەندەردەن ادەپتى بولۋدى جانە جولداستارىڭ تۋرالى تەك جاقسى وي ايتۋلارىڭدى سۇرايمىن. ەندەشە جاتتىعۋىمىزدى باستايىق. ءجىپتى ءبىر بىرىمىزگە لاقتىرا وتىرىپ، سول ادامنىڭ جاقسى قاسيەتتەرىن ايتىپ شىعامىز.

«جيناقتاۋشى قول شاپالاقتاۋ» جاتتىعۋى
بالالار، سەندەردىڭ بۇگىنگى جۇمىستارىڭ ءۇشىن راحمەت. ماعان سەندەرمەن وتە قىزىق بولدى. ءبىر - بىرىمىزگە جيناقتاۋشى قول شاپالاقتاۋ جاتتىعۋى ارقىلى العىسىمىزدى بىلدىرەيىك. مەن ءبىر وقۋشىنىڭ قاسىنا بارىپ اتىن اتاپ، قولىمدى شاپالاقتايمىن، وسىلاي بارلىعىمىز ءبىر - بىرىمىزگە بىرگە بارىپ قول شاپالاقتاۋ ارقىلى العىس بىلدىرەمىز.