Mojang ستۋدياسى Nintendo Switch 2 كونسولىنە ارنالعان Minecraft نۇسقاسىنىڭ شىعارىلىم كۇنىن رەسمي تۇردە جاريالادى. ويىن ساۋلەلەردى تراسسيروۆكالاۋ جانە جاڭارتىلعان Super Mario Mash-Up جيىنتىعىمەن شىعادى، دەپ حابارلايدى infohub.kz سايتى.
شۆەسيالىق Mojang Studios ستۋدياسى تانىمال Minecraft پەسوچنيساسىنىڭ تولىق نۇسقاسىن جاڭا Nintendo Switch 2 كونسولىنە شىعاراتىنىن رەسمي تۇردە مالىمدەدى. ويىن ويىنشىلارعا 2026 جىلدىڭ 27 قازانىندا قولجەتىمدى بولادى. بۇعان دەيىن جوبا جاڭا كونسولدە تەك كەرى ۇيلەسىمدىلىك رەجيمىندە قولجەتىمدى ەدى.
باستى جاڭالىق — ادەپكى بويىنشا قوسىلاتىن Vibrant Visuals گرافيكالىق رەجيمى. ول جاقسارتىلعان جارىقتاندىرۋدى، شىنايىراق كولەڭكەلەردى، تۇماندى جانە ساپالى گرافيكالىق ەففەكتىلەردى قامتاماسىز ەتىپ، تانىس كۋبتىق الەمدى ايتارلىقتاي جاڭارتادى. تەحنولوگيا Minecraft Marketplace ىشكى دۇكەنىندەگى كوپتەگەن ماتەريالداردا دا قولداۋ تابادى. Nintendo پلاتفورمالارىنا ەكسكليۋزيۆتى Super Mario Mash-Up جيىنتىعى دا جاڭا گرافيكالىق مۇمكىندىكتەرگە بەيىمدەلەدى.
ازىرلەۋشىلەر ءتۇپنۇسقا Nintendo Switch نۇسقاسىنىڭ يەلەرى سيفرلىق جاڭارتۋ باعدارلاماسىن پايدالانا الاتىنىن راستادى، ال بارلىق ساقتالعان الەمدەر اۆتوماتتى تۇردە اۋىستىرىلادى. جاڭارتۋدىڭ مالىمەتتەرى مەن شارتتارىن Mojang شىعارىلىمعا جاقىنداپ اشادى.