ۆەتنامدا ءوتىپ جاتقان «ميسس الەم 2026» حالىقارالىق بايقاۋىندا قازاقستان اتىنان قاتىسۋشى باعىم بالتاباەۆا اققۋ بەينەسىندەگى كەرەمەت كيىمىمەن كورەرمەندەر مەن الەۋمەتتىك جەلى قولدانۋشىلارىنىڭ سۇيسىنىسىنە بولەندى، دەپ حابارلايدى infohub.kz سايتى.
ساحناعا ارۋ كولەمدى قاۋىرسىن قاناتتارى مەن اققۋ ءتارىزدى ۇلكەن باس كيىممەن بەزەندىرىلگەن اق كويلەك-كورسەتپەن شىقتى. باس كيىم ءبىرشاما داۋلى كورىنىپ، كويلەكتىڭ ءساندى سۇلباسىنان ەرەكشەلەنگەنىمەن، كورەرمەندەر قازاقستاندىق ارۋدىڭ شىعۋىن ۇلكەن قوشەمەتپەن قارسى الدى. جاريالانىمداردىڭ استىنداعى پىكىرلەردە بۇل بەينەنى «پاتشالىق» جانە ەرەكشە نازىك دەپ اتايدى.
«ۆاۋ! لايىقتى كيىم»، «پاتشايىم»، «ءسىزدىڭ بەينەڭىز ەڭ كەرەمەتى»، — دەپ جازادى قولدانۋشىلار.
ەسكە سالايىق، بيىل قازاقستان توميريس سارباز ايەل بەينەسىنەن باس تارتۋدى ءجون كوردى. بالتاباەۆانىڭ ايتۋىنشا، ونىڭ ورنىنا ۇلتتىق كيىمنىڭ نەگىزىنە اققۋ بەينەسى الىنعان.
«ادەتتە قازاق ايەلدەرىن كۇشتى، جاۋىنگەر رەتىندە كورسەتەدى. مەن باسقا قىرىن — سۇلۋلىقتى، نازىكتىكتى، دانالىق پەن ىشكى ۇيلەسىمدىلىكتى كورسەتكىم كەلدى. سوندىقتان باستى سيمۆول اققۋ بولدى»، — دەدى ول.
مودەل اققۋ تازالىقتى، ادالدىقتى جانە رۋحاني كۇشتى بىلدىرەتىنىن، سونداي-اق كاسپي تەڭىزى مەن قازاقستاننىڭ تابيعي مۇراسىمەن بايلانىستى ەكەنىن اتاپ ءوتتى.
بۇعان دەيىن Kursiv LifeStyle ۋگاندا وكىلى تريۆيا ەلل مۋحوزانىڭ «ميسس الەم 2026» بايقاۋىندا «ءومىر قاباتتارى» دەپ اتالاتىن كويلەكپەن ساحناعا شىققانىن جازعان بولاتىن. كيىمدى جاساعان ديزاينەر كيشا ابداللانىڭ تۇسىندىرۋىنشە، ول دارىگەردىڭ كەسار تىلىگى كەزىندە قياتىن ايەل دەنەسىنىڭ قاباتتارىنان شابىتتانعان.