جەزقازعاننىڭ جاڭا اكىمى — بۇعان دەيىن ساتبايەۆ قالاسىن باسقارعان مۇرات ەربولات ۇلى بورىبايەۆ. جاڭا باسشىنى وبلىس ورتالىعىنىڭ اكتيۆىنە ۇلىتاۋ وبلىسىنىڭ اكىمى ەسەت بايكەن تانىستىردى. بۇل تۋرالى ۆەدومستۆونىڭ Instagram-داعى رەسمي پاراقشاسىندا حابارلاندى، دەپ جازادى infohub.kz سايتى.
مۇرات بورىبايەۆ 1991 جىلى دۇنيەگە كەلگەن. ول «مەتاللۋرگيا» جانە «ەكونوميكا جانە بيزنەس» ماماندىقتارى بويىنشا باكالاۆر، سونداي-اق مەملەكەتتىك مەنەدجمەنت ماگيسترى دارەجەسىنە يە. ءبىلىمىن قاراعاندى مەملەكەتتىك تەحنيكالىق ۋنيۆەرسيتەتىندە، قازتۇتىنۋوداعى قاراعاندى ەكونوميكالىق ۋنيۆەرسيتەتىندە جانە قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا العان.
جاڭا اكىم ەڭبەك جولىن «قازاقمىس» كورپوراسياسى» ءجشس-نىڭ «قاراعاندىسۆەتمەت» ءوب فيليالى «نۇرقازعان» بايىتۋ فابريكاسى باس كورپۋسىنىڭ 3-رازريادتى فلوتاسيالىق جۇمىسشىسى بولىپ باستاعان.
2011–2012 جىلدارى ول سول فابريكا باسشىلىعىنىڭ اكىمشىلىك كورپۋسىندا ءىس قاعازدارىن جۇرگىزۋشى بولىپ قىزمەت ەتتى، كەيىن سول فابريكا باس كورپۋسىنىڭ باقىلاۋ سەحىنىڭ شەبەرى قىزمەتىن اتقاردى.
2012–2013 جىلدارى بورىبايەۆ «قازاقمىس» كورپوراسياسى» ءجشس-نىڭ «قاراعاندىسۆەتمەت» ءوب فيليالى «نۇرقازعان» بايىتۋ فابريكاسى باس كورپۋسىنىڭ سەح باستىعى بولدى. 2013–2014 جىلدارى «قازاقمىس» كورپوراسياسى» ءجشس-نىڭ «ۆوستوكسۆەتمەت» ءوب ورلوۆ كەنىشى بايىتۋ فابريكاسىنىڭ باس ينجەنەرى قىزمەتىن اتقاردى.
2014–2015 جىلدارى ول «قازاقمىس» كورپوراسياسى» ءجشس-نىڭ «جتم» ءوب جەزقازعان №1، 2، 3 بايىتۋ فابريكاسىنىڭ №2 باس كورپۋسىنىڭ سەحىن باسقاردى. 2015–2017 جىلدارى «قازاقمىس» كورپوراسياسى» ءجشس-نىڭ «كتم» فيليالى «نۇرقازعان» بايىتۋ فابريكاسىنىڭ ديرەكتورى بولدى.
2017–2024 جىلدارى مۇرات بورىبايەۆ «جەزقازعانتۇستىمەت» ءوب جەزقازعان №1، 2، 3 بايىتۋ فابريكاسىنىڭ ديرەكتورى قىزمەتىن اتقاردى. جەزقازعان اكىمى بولىپ تاعايىندالعانعا دەيىن ول ساتبايەۆ قالاسىن باسقارعان.