الماتىداعى ارباتتا «Go» مۋزىكالىق ستۋدياسى جۇمىسىن باستادى. مۇندا 20 قىركۇيەككە دەيىن 30-دان استام ءارتىس جازبا جاساپ، ءتىرى كونسەرتتەر وتكىزەدى، دەپ حابارلايدى infohub.kz سايتى.
ستۋديا 32 كۇن بويى جۇمىس ىستەيدى. كۇندىزگى ۋاقىتتا مۋزىكانتتار كەلۋشىلەردىڭ كوز الدىندا جاڭا ترەكتەر جازىپ، شىعارا الادى، ال كەشكە مۇندا كونسەرتتەر وتەدى.
جوباعا V $ X V PRiNCE، ALEM، A.Z.، KABDOL، M’Dee، Yenlik، Ayau، ALPHA، AYREE، Moreart، Liili جانە IL’HAN سياقتى ورىنداۋشىلار قاتىسادى. سونىمەن قاتار، ستۋديادا وڭتۇستىك كورەيانىڭ K-pop ءارتىسى Chrich ونەر كورسەتىپ، قازاقستاندىق مۋزىكانت Bonapart-پەن بىرلەسكەن ترەك جازادى.
20-22 تامىز ارالىعىندا ستۋديادا مۋزىكانت hatikoali جۇمىس ىستەيدى. ول ءوزىنىڭ جاڭا INDI/GO البومىنىڭ جاسالۋ پروسەسىن كورسەتەدى. كەلۋشىلەر ترەكتەردىڭ جازىلۋىن باقىلاپ، كونتەنت ءتۇسىرىپ، رەسمي شىعارىلىمعا دەيىن دەمو-نۇسقالاردى تىڭداي الادى.
ستۋديا ارباتتا 20 قىركۇيەككە دەيىن اشىق بولادى. كونسەرتتەردىڭ كەستەسى ياندەكس مۋزىكانىڭ الەۋمەتتىك جەلىلەرىندە جاريالانادى.