نازگۇل حاتەپوۆا قازاقستاننىڭ اۋىل شارۋاشىلىعى ۆيسە-مينيسترى بولدى. ۇكىمەت ءتيىستى قاۋلى قابىلدادى، دەپ حابارلايدى infohub.kz.
كادرلىق شەشىم تۋرالى ۇكىمەتتىڭ ءباسپاسوز قىزمەتى مالىمدەدى. رەسمي حابارلامادا: «قازاقستان رەسپۋبليكاسى ۇكىمەتىنىڭ قاۋلىسىمەن حاتەپوۆا نازگۇل سەرىكقالي قىزى اۋىل شارۋاشىلىعى ۆيسە-مينيسترى لاۋازىمىنا تاعايىندالدى» دەلىنگەن.
نازگۇل حاتەپوۆا 1990 جىلى باتىس قازاقستان وبلىسىندا دۇنيەگە كەلگەن. ول جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىن، م. ح. دۋلاتي اتىنداعى تاراز مەملەكەتتىك ۋنيۆەرسيتەتىن، سونداي-اق ق ر پرەزيدەنتى جانىنداعى مەملەكەتتىك باسقارۋ اكادەمياسىن ءبىتىرىپ، بيزنەس جانە باسقارۋ ماگيسترى دارەجەسىن العان.
2012–2021 جىلدارى حاتەپوۆا اۋىل شارۋاشىلىعى مينيسترلىگى قۇرىلىمىندا مەنەدجەر، ساراپشى جانە باس ساراپشى بولىپ جۇمىس ىستەدى. 2021–2022 جىلدارى مينيسترلىكتىڭ اۋىل شارۋاشىلىعى ونىمدەرىن سەرتيفيكاتتاۋ باسقارماسىن باسقاردى، ودان كەيىن 2025 جىلعى قاڭتارعا دەيىن اگروازىق-ت ۇلىك نارىقتارى جانە اۋىل شارۋاشىلىعى ونىمدەرىن قايتا وڭدەۋ دەپارتامەنتىنە جەتەكشىلىك ەتتى. 2025 جىلعى قاڭتاردان باستاپ جاڭا تاعايىنداۋعا دەيىن حاتەپوۆا مينيسترلىكتىڭ ەگىنشىلىك دەپارتامەنتىنىڭ ديرەكتورى قىزمەتىن اتقاردى.