الماتىنىڭ بالەت الەمىندە جاڭا تەاتر ماۋسىمى ايتارلىقتاي كادرلىق وزگەرىسپەن باستالدى: تانىمال ءبيشى، اباي اتىنداعى قازاق ۇلتتىق وپەرا جانە بالەت تەاترىنىڭ بۇرىنعى ءسوليسى نەلسون پەنيا نۋنەس ساحناسىن رەسمي تۇردە اۋىستىرىپ، بولات ايۋحانوۆ اتىنداعى مەملەكەتتىك اكادەميالىق بي تەاترىنا قوسىلدى، دەپ حابارلايدى infohub.kz سايتى.
ونەرپاز جەتەكشى سوليست جانە پەداگوگ-رەپەتيتور قىزمەتىن اتقارادى. اۋىسۋ سەبەبىن ول ازىرگە جاريا تۇردە تۇسىندىرگەن جوق.
نەلسوننىڭ جارقىن كەلبەتى مەن حاريزماسىنىڭ ارقاسىندا جىلدار بويى ونىڭ قاتىسۋىمەن قويىلىمدارعا بارعان كوپتەگەن جانكۇيەرى ءۇشىن بۇل جاڭالىق كۇتپەگەن جاعداي بولدى. ونەرپاز كۋبادان شىققان، الايدا كوپ جىلدان بەرى الماتىدا تۇرىپ، ەڭبەك ەتىپ ءجۇر.
ول وتباسىندا باقىتتى ەكەنى جانە بالا تاربيەلەپ وتىرعانى بەلگىلى — وتباسىلىق ءومىرىن ساحنالىق مانسابىمەن ۇشتاستىرىپ كەلەدى. ەندى نەلسون بولات ايۋحانوۆ اتىنداعى بي تەاترىنىڭ ترۋپپاسىنا قوسىلدى. ۇجىم ءۇشىن بۇل — مەرەيتويلىق 60-ماۋسىم، تەاتر ونى العاش رەت ءوز نەگىزىن قالاۋشىنىڭ ەسىمىمەن اشىپ وتىر.
جاڭارعان تەاتر رەپەرتۋارىن بەلسەندى تۇردە كەڭەيتىپ، وتكەن جىلدارداعى ماڭىزدى قويىلىمدارىن قايتارىپ، قازاقستاندىق ساحنانىڭ جارقىن جۇلدىزدارىن تارتۋدا.
بۇعان دەيىن Kursiv LifeStyle اباي اتىنداعى قازاق ۇلتتىق وپەرا جانە بالەت تەاترى اسپەندوستاعى انتيكالىق تەاتر ساحناسىندا ونەر كورسەتكەنىن جازعان بولاتىن. ترۋپپا ارام حاچاتۋرياننىڭ «سپارتاك» بالەتىن ۇسىندى.