نەپالداعى قاتتى سۋ تاسقىنىنان زارداپ شەككەن ايماقتاردا قۇتقارۋشىلار جاعادان شىققان كولگە بايلانىستى جۇمىستى توقتاتۋعا ءماجبۇر بولدى، دەپ حابارلايدى infohub.kz سايتى.
جۇڭگو مەن نەپال بيلىگىنىڭ مالىمەتىنشە، نەپال-تيبەت شەكاراسىنداعى كوشكىننەن پايدا بولعان كول جاعادان شىعا باستاعان. بۇل ەكى كۇن بۇرىن كەنەتتەن بولعان سۋ تاسقىنىنان زارداپ شەككەن اۋداندارعا ءقاۋىپ توندىرۋدە. وسىعان بايلانىستى بيلىك قۇتقارۋ جۇمىستارىن ۋاقىتشا توقتاتۋعا ءماجبۇر بولدى.
تيبەتپەن شەكارالاس نەپالدىڭ راسۋۆا اۋدانىنىڭ تۇرعىندارى وزەن دەڭگەيىنىڭ كوتەرىلۋىنەن قاشىپ، توبەلەرگە قاراي ۇمتىلدى. نەپال بيلىگى قۇتقارۋ جۇمىستارىن كەمىندە 90 مينۋتقا توقتاتقانى ايتىلادى.
سونىمەن قاتار، كولدەگى بوگەتتىڭ جارىلۋ قاۋپىنە بايلانىستى بارلىق قىتايلىق قۇتقارۋشىلار مەن تەحنيكا ءقاۋىپسىز ايماققا ەۆاكۋاسيالاندى.
كول سارسەنبىدە تيبەتتەگى گيرونگ وتكەلىنە لاي مەن قوقىس قابىرعاسى قۇلاعاننان كەيىن پايدا بولىپ، سۋ تاسقىنىن تۋدىردى.
جۇما كۇنى نەپالداعى مۇزدىقتىڭ وپىرىلۋى سالدارىنان قازا تاپقاندار سانى 469-عا جەتكەنى راستالدى، تاعى 1300-دەن استام ادام نەپال مەن تيبەتتە حابار-وشارسىز كەتكەن.
ەسكە سالايىق، بۇعان دەيىن جۇڭگو مەن نەپال اراسىنداعى وتكەل ماڭىندا كوشكىن جۇرگەنى بەلگىلى بولعان ەدى. بۇل جول قوزعالىسىنا، بايلانىس پەن ەلەكترمەن جابدىقتاۋعا اسەر ەتتى. كەيىن مىڭداعان ادام حابار-وشارسىز كەتكەن قاتتى سۋ تاسقىنى تۋرالى حابارلاندى. ءىرى تاسقىننىڭ سەبەبى جەر سىلكىنىسى مەن ودان كەيىنگى كوشكىن دەپ اتالدى.
وسىدان كەيىن قازاقستان ءسىم ازاماتتارىمىز تۋرالى العاشقى مالىمەتتەردى جاريالادى. 27 تامىزدا تۋريستىك توپ قۇرامىندا قىتايدان نەپالعا وتكەن قازاقستاندىق ءتۋريستى ىزدەۋ باستالعانى بەلگىلى بولدى. بۇگىن ءسىم تاعى ءبىر قازاقستاندىق ايەلدى ىزدەۋ تۋرالى حابارلادى.