يزرايل پرەمەر-مينيسترى بينيامين نەتانياحۋ دونالد ترامپتان يرانعا سوققىلاردى قايتا باستاۋدى سۇراعانى تۋرالى اقپاراتتى جوققا شىعاردى، دەپ حابارلايدى infohub.kz سايتى.
ABC تەلەارناسىنا بەرگەن ۆيدەوينتەرۆيۋسىندا يزرايلدىك كوشباسشى دونالد ترامپتىڭ يرانعا قاتىستى ءۇش نۇسقاسى بار ەكەنىن مالىمدەدى: كەلىسىمدى ءساتتى جاساۋ، بلوكادانى جالعاستىرۋ نەمەسە اسكەري ارەكەتتەرگە بارۋ. «يراننىڭ يادرولىق باعدارلاماسىن توقتاتۋعا اكەلەتىن كەز كەلگەن نارسە — ءبىزدىڭ قالاعانىمىز»، — دەپ قوستى نەتانياحۋ.
ول ترامپپەن كەزدەسۋدە يرانعا سوققىلاردى قايتا باستاۋدى سۇراعان دەگەن مالىمدەمەلەردى قاتاڭ تۇردە جوققا شىعاردى. «بۇل كاريكاتۋرا، شارج تۇرىندەگى بەينە. بۇل شىندىق ەمەس. ءبىز شىن مانىندە ءۇش مۇمكىندىكتى دە تالدادىق، جانە مەنىڭ ويىمشا، ءبىز مۇنى دوستار مەن وداقتاس رەتىندە اشىق جاسادىق، ال شەشىم وعان بايلانىستى»، — دەپ ءتۇسىندىردى پرەمەر-مينيستر.