نيگەريانىڭ سوكوتو شتاتىنداعى گوراۋ قالاسىندا قايىق اۋدارىلىپ، كەمىندە 40 بالا قازا تاپتى، دەپ حابارلايدى infohub.kz.
الەمدىك ب ا ق دەرەكتەرىنە سايكەس، ادامداردى تاسىمالداعان قايىق اۋدارىلعان كەزدە اپات بولعان. كۋاگەرلەردىڭ ايتۋىنشا، بورتىندا 70-كە جۋىق ادام بولعان. نەگىزىنەن بۇلار كۇرىش جيناۋعا بارا جاتقان 10 بەن 15 جاس ارالىعىنداعى بالالار ەدى. بيلىك وكىلدەرى سۋدان 40 بالا مەن 3 ەرەسەك ادامنىڭ دەنەسى تابىلعانىن مالىمدەدى. 16 ادامدى قۇتقارۋ مۇمكىن بولدى. اپات ورنىندا قۇتقارۋ جۇمىستارى جالعاسۋدا.
ايتا كەتۋ كەرەك، نيگەريادا جولاۋشىلار كەمەلەرىنىڭ قاتىسۋىمەن بولاتىن مۇنداي وقيعالار سيرەك ەمەس. مۇنداي اپاتتاردىڭ باستى سەبەپتەرى — كەمەلەردىڭ شامادان تىس جۇكتەلۋى، ولاردىڭ تەحنيكالىق جاعدايى مەن پايدالانىلۋىنا ءتيىستى باقىلاۋدىڭ بولماۋى، سونداي-اق كەمە ءجۇرۋ ەرەجەلەرىنىڭ بۇزىلۋى.
وسىنداي سوڭعى ءىرى اپات بيىلعى جىلدىڭ قاڭتارىندا يوبە شتاتىندا بولعان ەدى. سوندا اعىپ تۇرعان كەمە اۋدارىلىپ، 25 ادام قازا تاپقان بولاتىن.