جاپونيادا ءوتىپ جاتقان 2026 جىلعى جازعى ازيا ويىندارىندا قازاقستاندىق سپورتشى نيلۋفار رايموۆا قولا مەدال جەڭىپ الدى، دەپ حابارلايدى infohub.kz سايتى.
ۇلتتىق قۇراما ساپىنداعى سپورتشى ايەلدەر كۇرەسىنەن 57 كەلىگە دەيىنگى سالماق دارەجەسىندە سىنعا ءتۇستى. ءۇشىنشى ورىن ءۇشىن بەلدەسۋدە وعان شري-لانكا سپورتشىسى نەتمي احينسا فەرناندو پورۋتوتاگە قارسى شىقتى.
ءبىرىنشى كەزەڭدە-اق قازاقستاندىق باسىمدىققا قول جەتكىزىپ، 5:1 ەسەبىمەن العا شىقتى. ۇزىلىستەن كەيىن رايموۆا ۇپاي جيناۋدى جالعاستىرىپ، تاعى سەگىز ۇپاي ەنشىلەدى. بەلدەسۋ ونىڭ 13:1 ەسەبىمەن تەحنيكالىق باسىمدىقپەن مەرزىمىنەن بۇرىن جەڭۋىمەن اياقتالدى.
وسىلايشا، نيلۋفار رايموۆا تۇعىردىڭ ءۇشىنشى ساتىسىنا كوتەرىلىپ، ازيادا-2026-دا كۇرەستەن قازاقستان قورجىنىنا تاعى ءبىر قولا جۇلدە سالدى.
ۇلتتىق قۇرامانىڭ تاعى ءبىر وكىلى شۇعىلا ومىربەك تە بۇل كۇنى قولا مەدال ءۇشىن كۇرەستى. 53 كەلىگە دەيىنگى سالماق دارەجەسىندە قازاقستاندىق قىتايلىق چجان سزينمەن كەزدەستى. قارسىلاسى 8:2 ەسەبىمەن جەڭىسكە جەتىپ، بەلدەسۋدى تۇشاعا تۇسىرۋمەن اياقتادى. ناتيجەسىندە ومىربەك ازيا ويىندارىندا بەسىنشى ورىنعا تۇراقتادى.
رايموۆا مەن ومىربەكتىڭ بەلدەسۋلەرى ازيادا-2026-دا قازاقستان وكىلدەرىنىڭ كۇرەستەن سوڭعى جەكپە-جەكتەرى بولدى. وسىلايشا، ۇلتتىق قۇراما وسى سپورت تۇرىنەن ءوز ونەرىن اياقتادى.