شىمكەنت قالالىق اۋدانارالىق سوتىندا 21 جاستاعى نۇراي سەرىكبايدىڭ ولىمىنە بايلانىستى ءىس قارالۋىن جالعاستىرۋدا. كەزەكتى سوت وتىرىسىندا جابىرلەنۋشى تاراپتىڭ وكىلى سوتتالۋشى شەرحان ايماحانعا قويىلعان تالاپ-ارىز كولەمىن جاريا ەتتى، دەپ حابارلايدى infohub.kz سايتى.
وتباسىنىڭ ادۆوكاتى ايانحان وماروۆتىڭ ايتۋىنشا، قايتىس بولعان قىزدىڭ تۋىستارى جەرلەۋ راسىمىنە، ءدىني جورالعىلارعا، 40 كۇندىك اس بەرۋگە، قۇلپىتاس ورناتۋعا جانە تەرگەۋ ارەكەتتەرى مەن سوت وتىرىستارىنا ۇنەمى قاتىسۋعا بايلانىستى ايتارلىقتاي ماتەريالدىق شىعىندارعا ۇشىراعان.
قۇجاتتارمەن راستالعان ماتەريالدىق شىعىن سوماسى 14 ملن 739 مىڭ تەڭگەنى قۇرادى. سونىمەن قاتار، وتباسى مورالدىق زياندى وتەۋ تۋرالى وراسان زور تالاپ قويدى.
«اتا-انا جالعىز قىزىنان ايىرىلدى، ولار ونى سۇيىسپەنشىلىك پەن قامقورلىقپەن ءوسىرىپ، تاربيەلەدى. اعالارى سۇيىكتى سىڭلىسىنەن ايىرىلدى. بالاسىنان ايىرىلعان اتا-انانىڭ قاسىرەتى مەن اۋىرتپالىعى ولاردى ءومىر بويى قالدىرمايدى جانە ەشقانداي ماتەريالدىق يگىلىكپەن وتەلمەيدى. سوتتالۋشى ايماحان نۇرايدى نەكەگە تۇرۋعا ماجبۇرلەگەن... ەشقانداي اقشالاي وتەماقى نۇرايدى قايتارا المايدى جانە كەلتىرىلگەن شىعىندى تولتىرا المايدى»، — دەپ اتاپ ءوتتى ادۆوكات ايانحان وماروۆ.
وسىعان بايلانىستى جابىرلەنۋشى تاراپ سوتتالۋشىدان مورالدىق زياندى وتەۋ رەتىندە 10 ملرد تەڭگە ءوندىرىپ الۋدى سۇرايدى.