الماتىداعى مەدەۋ اۋداندىق سوتىندا بۇرىنعى باسشى ولگا ابدىگاپپاروۆاعا قاتىستى سوت تالقىلاۋى ءوتتى. مەملەكەتتىك ايىپتاۋشى ونى الاياقتىق، لاۋازىمىن اسىرا پايدالانۋ جانە بوتەن م ۇلىكتى يەمدەنۋ باپتارى بويىنشا كىنالى دەپ تانىپ، 8 جىلعا باس بوستاندىعىنان ايىرۋدى سۇرادى. سونداي-اق، ونىڭ 10 جىل بويى بەلگىلى ءبىر لاۋازىمداردى اتقارۋ قۇقىعىنان ايىرۋ ۇسىنىلدى.
بۇل تۋرالى Infohub.kz اقپارات اگەنتتىگى حابارلايدى.
ءىستىڭ ءمان-جايى
قوزعالعان قىلمىستىق ءىس الماتىداعى Esentai City تۇرعىن ءۇي كەشەنىنىڭ قۇرىلىسىمەن جانە AV-Construction كومپانياسىنىڭ قىزمەتىمەن بايلانىستى. تەرگەۋ نۇسقاسى بويىنشا، ابدىگاپپاروۆا كومپانيانى باسقارعان كەزەڭدە زاڭبۇزۋشىلىقتار ورىن العان. بۇعان دەيىن وسى جوبا اياسىندا ونىڭ كۇيەۋى الماس ابدىگاپپاروۆ تا سوتتالعان بولاتىن.
ابدىگاپپاروۆانىڭ قورعاۋشىلارى نە دەيدى؟
ولگا ابدىگاپپاروۆا وزىنە تاعىلعان ايىپتارمەن كەلىسپەيتىنىن مالىمدەدى. قورعاۋشى تاراپتىڭ ايتۋىنشا، كومپانيانىڭ قارجىلىق قيىندىقتارى ونىڭ باسشىلىق قىزمەتكە كەلگەنگە دەيىن، ياعني ەلدوس كوسپاەۆتىڭ توبى باسقارعان كەزدە باستالعان. ادۆوكاتتار سونىمەن قاتار، داۋلى ماسەلەلەردىڭ كەيبىرى قىلمىستىق ەمەس، ازاماتتىق-قۇقىقتىق سيپاتتا ەكەنىن العا تارتتى.
ەلدوس كوسپاەۆتىڭ ءىسى
ەلدوس كوسپاەۆتى كاسىپكەرلەردىڭ بيزنەسىن رەيدەرلىك جولمەن تارتىپ الۋمەن اينالىسقان ۇيىمداسقان قىلمىستىق توپتىڭ كوشباسشىسى رەتىندە اتايدى. ونىڭ توپ مۇشەلەرى كاسىپكەرلەردى قورقىتىپ، تابىستارىن جىمقىرعان. ءبىر جىل بۇرىن كوسپاەۆتىڭ قىلمىستىق توبىنا قاتىستى سوت ۇكىمى شىققان. وندا كوسپايەۆ اعايىندىلارى مەن ولاردىڭ سىبايلاستارى ۇيىمداسقان قىلمىستىق توپ قۇرعانى، بوپسالاۋ جانە م ۇلىكتەردى زاڭسىز يەمدەنگەنى ءۇشىن كىنالى دەپ تانىلىپ، ءارتۇرلى مەرزىمگە باس بوستاندىعىنان ايىرىلعان. ەلدوس كوسپايەۆ ءوزى 15 جىلعا سوتتالعان.