وتكەن اپتادا ومبىدا قۇرىلىس نىسانىندا بولعان ءىرى ءورت سالدارىنان ەكى ادام قازا تاۋىپ، ولاردىڭ ءبىرى قازاقستان ازاماتى بولعانى بەلگىلى بولدى. بۇل اقپاراتتى ق ر سىرتقى ىستەر مينيسترلىگى راستادى، دەپ حابارلايدى infohub.kz.
ربك-نىڭ ومبى وبلىسى تجم ءباسپاسوز قىزمەتىنە سىلتەمە جاساپ حابارلاۋىنشا، 15 تامىزدا ومبىداعى شارونوۆ كوشەسىندە سالىنىپ جاتقان كوپقاباتتى تۇرعىن ۇيدە ءورت شىققان. ءورت ءبىرىنشى قاباتتا قۇرىلىس ماتەريالدارىنىڭ تۇتانۋىنان باستالىپ، تەز ارادا جوعارعى قاباتتارعا تاراعان.
تاسس دەرەكتەرىنە سايكەس، توتەنشە جاعداي سالدارىنان سەگىز ادام زارداپ شەكتى. ولاردىڭ بارلىعى ءارتۇرلى دارەجەدەگى كۇيىك العان — دەنە بەتىنىڭ 20-90 پايىزى — جانە اۋىر جاعدايدا رەانيماسياعا جات قىزىلدى. بۇگىن اگەنتتىك ءورت ەكى ادامنىڭ ءومىرىن قيعانىن حابارلادى. قازا تاپقانداردىڭ ءبىرى — 2002 جىلى تۋعان قازاقستان ازاماتى، ول دەنەسىنىڭ 70 پايىزى كۇيىكپەن اۋرۋحانادا جاتقان.
NUR.KZ ءتىلشىسى ق ر سىرتقى ىستەر مينيسترلىگىنە سۇراق جولدادى. ۆەدومستۆو قازاقستاندىقتىڭ ومبىداعى ءورت سالدارىنان 18 تامىزدا قايتىس بولعانىن راستادى.
ق ر ءسىم ءباسپاسوز قىزمەتىندە: «قازاقستاننىڭ ومبى قالاسىنداعى باس كونسۋلدىعى قاجەتتى كونسۋلدىق-قۇقىقتىق كومەك كورسەتۋدە، ونىڭ ىشىندە قۇجاتتاردى رەسىمدەۋگە جانە ازاماتتىڭ قازاسىنا بايلانىستى رەسەيلىك قۇزىرەتتى ورگاندارمەن ءوزارا ءىس-قيمىل جاساۋعا كومەكتەسۋدە»، — دەپ قوستى.
مينيسترلىك قايتىس بولعان ازاماتتىڭ وتباسىمەن بايلانىستا ەكەنىن جانە ءوز قۇزىرەتى شەڭبەرىندە قاجەتتى كومەك كورسەتىپ جاتقانىن اتاپ ءوتتى.