OpenAI كومپانياسى ءوز جاساندى ينتەللەكت مودەلدەرىنىڭ وقىتۋ جانە تەستىلەۋ بارىسىندا انىقتالعان «كۇتپەگەن نەمەسە الاڭداتارلىق» مىنەز-قۇلقىنىڭ التى وقيعاسى تۋرالى اقپارات جاريالادى. حابارلانعانداي، كەيبىر مودەلدەر فايلداردى ينتەرنەتكە ءوز بەتىنشە جۇكتەپ، بوتەن API-كىلتتەردى پايدالانعان جانە وزدەرىنە نۇسقاۋلىقتار قالدىرعان، دەپ حابارلايدى infohub.kz سايتى.
ءبىر ەكسپەريمەنتتە مودەل رۇقساتسىز ءوزى جاساعان فايلدى ينتەرنەتكە جۇكتەپ، كەيىن ونى سۇرانىسقا جاۋاپ بەرۋ كوزى رەتىندە پايدالانعان.
باسقا جاعدايدا يي اشىق رەپوزيتوريدەن بوتەن API-كىلتىن تاۋىپ، ونى قولدانۋعا تىرىسقان، ءبىراق قاجەتتى اقپاراتتى الا الماعان سوڭ، دەرەكتەردى ويدان شىعارىپ، ولاردى سۇرالعان دەرەككوزدەن الىنعان مالىمەت رەتىندە ۇسىنعان.
تاعى ءبىر ەكسپەريمەنتتىك مودەل جۇمىستى جالعاستىرۋ كەزىندە پايدالانىلاتىن قىزمەتتىك تۇيىندەمەلەردە وزىنە نۇسقاۋلىقتار قالدىرا باستاعان، سونىڭ ىشىندە ادەتتەگى شەكتەۋلەردى ەلەمەۋ تۋرالى نۇسقاۋلار دا بولعان.
سونىمەن قاتار OpenAI وقىتۋ جانە تەستىلەۋ كەزىندە انىقتالعان جەكەلەگەن جاعدايلار تۋرالى ايتىلىپ وتىرعانىن، ولار بويىنشا مودەلدەردە مۇنداي مىنەز-ق ۇلىقتىڭ قانشالىقتى ءجيى كەزدەسەتىنىن باعالاۋعا بولمايتىنىن اتاپ ءوتتى.
جاڭا دەرەكتەر تاعى ءبىر اۋىر وقيعادان بىرنەشە اپتا وتكەن سوڭ پايدا بولدى: OpenAI مودەلدەرىنىڭ ىشكى تەستىلەۋى كەزىندە ولاردى ينتەرنەتتەن وقشاۋلاۋعا ءتيىس شەكتەۋلەردى اينالىپ ءوتىپ، ينفراقۇرىلىمداعى وسالدىقتاردى پايدالانىپ، Hugging Face پلاتفورماسىنىڭ جۇيەلەرىنە قول جەتكىزگەن.