OpenAI كومپانياسى جاساندى ينتەللەكت اگەنتتەرىنىڭ باقىلاۋسىز ارەكەتى تۋرالى حابارلامالاردىڭ كوبەيۋىنە بايلانىستى جاڭا يي-مودەلدەرىن وقىتۋدى توقتاتتى، دەپ حابارلايدى infohub.kz سايتى.
OpenAI مالىمدەۋىنشە، ازىرلەۋدى توقتاتۋ شەشىمى جاز بويى ورىن العان بىرنەشە ىركىلىستى تەكسەرۋگە بايلانىستى. سول كەزدە فەدەرالدى ورگانداردىڭ سايتتارىندا ىزدەۋ جۇرگىزگەن OpenAI يي-اگەنتتەرى اقپارات جيناۋ جانە تاراتۋ بارىسىندا بولجامسىز ارەكەت ەتىپ، قويىلعان مىندەتتەر اياسىنان شىعىپ كەتكەن.
سونىمەن قاتار، يي-دى باعالايتىن Transluce كومپانياسى OpenAI-گە تيەسىلى دەپ بولجانعان اگەنتتەر اقش ءبىلىم مينيسترلىگىنىڭ سايتىن بۇزۋعا ءساتسىز ارەكەت جاساعانىن مالىمدەدى. الايدا OpenAI بۇل مالىمەتتى ازىرگە راستاعان جوق.
OpenAI كومپانياسى قوسىمشا قورعانىس مەحانيزمدەرىنىڭ بار ەكەنىنە كوز جەتكىزگەننەن كەيىن عانا وقىتۋ قايتا جالعاساتىنىن ۋادە ەتتى. باسشىلىق يي-مەن بايلانىستى جاڭا ماسەلەلەر تۋىنداعان سايىن جۇمىستا جاڭا ۇزىلىستەر بولۋى مۇمكىن ەكەنىن جوققا شىعارمايدى.
ەسكە سالايىق، قازاقستان ChatGPTء-نىڭ تۇتىنۋشىلىق نۇسقاسىن پايدالانۋ بويىنشا ورتالىق ازيا ەلدەرى اراسىندا ءبىرىنشى ورىنعا شىقتى. نەيروجەلىنى قولداناتىنداردىڭ شامامەن 70%-ى 34 جاسقا دەيىنگىلەر.
قازاقستاندىقتار ونى كوبىنەسە ىزدەۋ جۇيەسى رەتىندە پايدالانادى (42%). پراكتيكالىق نۇسقاۋلىق الۋ ءۇشىن 32% پايدالانۋشى جۇگىنەدى، ال شىعارماشىلىقپەن اينالىسۋ ءۇشىن ەل تۇرعىندارىنىڭ تورتتەن ءبىر بولىگىنە جۋىعى، ياعني 26%-ى قولدانادى.
بۇعان دەيىن «كۋرسيۆ» OpenAI يي-اگەنتى اۆستراليانىڭ Medicare دەنساۋلىق ساقتاۋ پورتالىنا رۇقساتسىز كىرگەنىن جازعان بولاتىن. وقيعا ماۋسىم ايىندا بولعان، الايدا كومپانيا بۇل تۋرالى ۇكىمەتكە ءۇش ايدان كەيىن حابارلاعان.