ساباقتىڭ تاقىرىبى: وسىمدىك – ءومىر وزەگى
ساباقتىڭ ماقساتى:
1) بىلىمدىلىگى: تابيعاتتاعى وسىمدىكتەردىڭ ادامدارعا تيگىزەتىن پايداسىن، ولاردىڭ مۇشەلەرىنىڭ ەرەكشەلىكتەرى تۋرالى، جەر عالامشارىمىزدا وسىمدىكتەردىڭ
كوپتۇرلىلىگى تۋرالى العان بىلىمدەرىن بەكىتە وتىرىپ، پايداسىنىڭ ۇشان - تەڭىز ەكەندىگىنە كوز جەتكىزۋ.
2) دامىتۋشىلىعى: وقۋشىلاردىڭ جاراتىلىس تانۋ پانىنە قىزىعۋشىلىقتارىن ارتتىرۋ، قوسىمشا ماتەريالداردى قولدانا بىلۋگە داعدىلاندىرۋ، ويلاۋ قابىلەتىن، ءتىل بايلىعىن دامىتۋ.
3) تاربيەلىلىگى: تابيعاتتى سۇيۋگە، ونىڭ بايلىعى مەن بەرەكەلى تىرشىلىگىن قورعاۋعا، وتان سۇيگىشتىككە تاربيەلەۋ.
ءپانارالىق بايلانىستار: ادەبيەت، تاريح، ەكولوگيا.
كورنەكىلىكتەر: وسىمدىكتەر تۋرالى ناقىل سوزدەر، مۋلياجدار، گۇلدەر تۇرلەرى،

ساباقتىڭ بارىسى: وسىمدىك – ادام ءۇشىن ازىقتىڭ قاينار كوزى، بايلىعى، ءتىرى
تابيعاتتىڭ ءبىر بولىگى، قازىناسى. وسىمدىكتەر الەمى – ءبىزدى قورشاپ تۇرعان جاسىل الەم. وسىمدىكتەر بارلىق جەردە كەزدەسەدى. وسىمدىكتەر كومىرقىشقىل گازىن ءسىڭىرىپ،
اۋاعا بوس وتتەگىن ءبولىپ وتىرادى. ءتىرى اعزالاردىڭ تىنىس الۋىن، قورەكتەنۋىن قامتاماسىز ەتەدى. وسىمدىك – ادام اعزاسىنا ءنار بەرەتىن دارۋمەننىڭ كوزى. وسىمدىك - ادامدار مەن ۇشقان قۇس، جۇگىرگەن اڭعا باسپانا. شىعىس حالىقتارىندا يماندىلىقتان كەلەتىن ءۇش ساۋاپ بار: شولگە قۇدىق قازعان، وزەنگە كوپىر سالعان، جولعا اعاش ەككەن.
جاسىل جەلەك - جەردىڭ ءسانى سايالى،
قامقور بولساڭ جاپىراعىن جايادى.
مەيىرىممەن جىلۋىن ارنا جۇرەكتىڭ،
سوعان قوسا الاقان كەرەك ايالى - دەي كەلە سايىسىمىزدى باستاۋعا رۇقسات ەتىڭىزدەر. الدارىڭىزعا «بايشەشەك»،«راۋشانگۇل»، «اقبيداي» توپتارى.
شەبەرلىكتى، ءبىلىمدى
ساراپتاپ سىزدەر كورىڭىزدەر.
ءادىل قازى القاسى
ءادىل باعا بەرىڭىزدەر. (ءادىل قازىلار القاسى سايلانادى)

سايىس جوسپارى:
1. تانىستىرۋ. (توپتىڭ اتى، ۇرانى، ءان، ولەڭ جولدارى)
2. مەنەن سۇراق، سىزدەن جاۋاپ (10 سۇراق قويادى توپتار ءبىر - بىرىنە)
3. جارناما. (ءبىر وسىمدىكتى جارناما جاسايدى)
4. كورىنىس. (وسىمدىكتەر تۋرالى بولۋى شارت)
5. قۇپيا ساندىق
6. «ورمەكشى تورى» ويىنى
جۇرگىزۋشى: - باستالار سايىس ەندى جوسپارمەنەن،
دوستارىم وتىرسىز با ەلەڭدەسىپ.
اتا - سالت، بابا ءداستۇر جولىمەن،
الايىق ءبىز اۋەلى سالەمدەسىپ.

ءى كەزەڭ. سايىسىمىزدىڭ 1 - ءبولىمى « تانىستىرۋعا» كەزەك بەرەيىك.
1 - توپ. «بايشەشەك»
ۇرانى: ءبىز بولامىز قىرلارىندا تەكەمەتتىڭ،
كوكتەمگە العاش كورىك اپەرەتىن.
بايشەشەكپىز، كومەكتەسەمىز قار استىندا،
قىس ىزعارىن قايمىقپاي كوتەرەتىن.
وسىمدىك – ءومىر وزەگى. جۇكتەۋ