وسىمدىكتىڭ ءوسىمدى (ۆەگەتاتيۆتى) مۇشەلەرى. تامىر جانە تامىر جۇيەسى

تامىر جانە تامىر جۇيەسى
تاقىرىبى: ءىى تاراۋ. وسىمدىكتىڭ ءوسىمدى (ۆەگەتاتيۆتى) مۇشەلەرى.
§7. تامىر جانە تامىر جۇيەسى
ساباقتىڭ ماقساتى: وسىمدىكتىڭ ءوسىمدى مۇشەلەرىنە جالپىلاما سيپاتاما بەرىپ، سونىڭ ءبىرى – تامىردىڭ تۇرلەرىن، ءوزارا ەرەكشەلىكتەرىن اتاپ كورسەتۋ.
ساباقتىڭ مىندەتتەرى:
بىلىمدىلىگى
– تامىر، تامىر جۇيەسى دەگەن ۇعىمداردىڭ ءمانىسىن اشىپ، ولاردىڭ اتقاراتىن قىزمەتىن وقۋشى تۇلعاسىنا جەتە ءتۇسىندىرۋ
تاربيەلىلىگى
– ءتۇرلى تاربيەلىك شارالاردىڭ اسەرىمەن وقۋشى تۇلعاسىندا جاعىمدى وزگەرىستەرگە جەتۋ.
دامىتۋشىلىعى
– پانگە، تاقىرىپقا بايلانىستى قىزىعۋشىلىقتارىن دامىتۋ.
قۇرال - جابدىقتار: ەلەكتروندىق وقۋلىق، بەينە فيلمدەر.
ساباقتىڭ ءتيپى: ارالاس

ساباقتىڭ بارىسى:
ءى. ۇيىمداستىرۋ كەزەڭى
وقۋشىلاردىڭ
ساباققا دايىندىعىن باقىلاي وتىرىپ، زەيىنىن ساباققا اۋدارۋ.

ءىى. ءۇي تاپسىرماسىن تەكسەرۋ كەزەڭى
كەيبىر وقۋشىلارعا كارتوچكالار تاراتىلادى. سول ارقىلى باعالانادى.

1. جاسۋشالارى ءبىر - بىرىمەن تىعىز جاناسقان، العاشىندا ءتىرى، بىرتىندەپ قابىقشاسى قالىڭداپ ءولى جاسۋشالارعا اينالادى؛ سۋ مەن ۋلى گازداردى ىشكە وتكىزبەيدى؛ وسىمدىكتى ىستىقتان، سۋىقتان، قاتتى جەلدەن قورعايدى.
2. ءتىرى جاسۋشالار توبىنان تۇرادى؛ زات الماسۋ ناتيجەسىندە تۇزىلگەن ءنارۋىز، كومىرسۋ مەن مايلاردىڭ ارتىعىن قورعا جينايدى.
ىشىندە حلوروپلاستارى بار ءتىرى جاسۋشالاردا ورگانيكالىق زات تۇزىلەدى؛ جاپىراق پەن ساباقتاعى جاسۋشالاردىڭ اراسىنداعى كەڭىستىكتەردە اۋا، سۋ جينالادى؛ ول وسىمدىكتىڭ قۇرعاقشىلىققا توزىمدىلىگىن ارتتىرادى.
3. جاسۋشالارى العاشىندا ءتىرى بولعانىمەن وسە كەلە قابىقشاسى قالىڭداپ، سيتوپلازماسى كەۋىپ، ءولى جاسۋشاعا اينالادى دا، بەرىكتىگى بولاتتاي بولادى. قانشا داۋىل سوقسا دا جاپىراقتارى جىرتىلماي، نازىك ساباقتارى سىنباي وسۋىنە سەبەپكەر بولادى.
وسىمدىكتىڭ ءوسىمدى (ۆەگەتاتيۆتى) مۇشەلەرى. تامىر جانە تامىر جۇيەسى. جۇكتەۋ