بۇگىن، 5 تامىزدا، وسكەمەن قالاسى تابيعات اپاتىنىڭ ەركىندە قالدى: نوسەر جاڭبىر، بۇرشاق جانە سەكۋندىنا 25 مەترگە جەتەتىن جەل قالانى شارپىدى. قالا اكىمى المات اقىشوۆ اۋا رايىنىڭ سالدارى تۋرالى جەدەل اقپاراتتاندىردى، دەپ حابارلايدى infohub.kz سايتى.
اكىمنىڭ ايتۋىنشا، داۋىل 15-كە جۋىق اعاشتى قۇلاتقان، ال قالا بويىنشا 25 مىڭ ابونەنت جارىقسىز قالعان. «بارلىق ماسەلە جەكە باقىلاۋىمدا، بارلىق جەدەل بريگادالار ءقازىر جۇمىس ىستەپ جاتىر. ەڭ قىسقا مەرزىمدە ءبارى جويىلادى، ەلەكتر جارىعى بەرىلەدى، بارلىق جول وتكەلدەرىن اعاشتاردان تازارتامىز»، — دەپ سەندىردى المات اقىشوۆ Instagram-داعى پاراقشاسىندا.
قالا باسشىسى اۆاريالىق-قالپىنا كەلتىرۋ جۇمىستارىنىڭ قالاي ءجۇرىپ جاتقانىن دا كورسەتتى. الەۋمەتتىك جەلىلەردە تۇرعىندار تابيعات اپاتىنىڭ فوتوسۋرەتتەرى مەن بەينەجازبالارىن بەلسەندى تۇردە جاريالاۋدا: كادرلاردا اعاشتاردىڭ قاتتى جەلدىڭ قىسىمىنان يىلگەنى كورىنەدى.
وسكەمەندىكتەرگە ەرەكشە اسەر ەتكەن — بۇرشاق، ونىڭ مولشەرى كۋاگەرلەردىڭ ايتۋىنشا، تاۋىق جۇمىرتقاسىنىڭ كولەمىنە جەتكەن.