وقۋداعى ماسەلەلەردى شەشكىسى كەلگەن 22 جاستاعى وسكەمەندىك قىز ۇلكەن قارجىلىق شىعىنعا ۇشىرادى: بەيتانىس ادامعا سەنىپ، 1،7 ملن تەڭگەسىنەن ايىرىلدى، دەپ حابارلايدى infohub.kz سايتى.
شىعىس قازاقستان وبلىسى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، قىز الاياقتىق تۋرالى ارىزبەن پوليسياعا جۇگىنگەن. ول بۇعان دەيىن اكادەميالىق قارىزىن جابۋعا جانە قاجەتتى قۇجاتتاردى راسىمدەۋگە كومەكتەسۋدى ۇسىنعان ەر اداممەن تانىسقانىن ايتقان. سەنىمگە كىرگەن الاياق ءتۇرلى سىلتاۋلارمەن جابىرلەنۋشىنى راسسروچكا مەن نەسيە راسىمدەۋگە كوندىرىپ، العان اقشانى وزىنە تيەسىلى شوتتارعا اۋدارىپ وتىرعان.
وسى زاڭسىز ارەكەتتەردىڭ سالدارىنان قىزعا 1،7 ملن تەڭگە كولەمىندە ماتەريالدىق زالال كەلتىرىلگەن. وسكەمەن قالالىق پوليسيا باسقارماسىنىڭ كيبەرقىلمىسقا قارسى كۇرەس توبىنىڭ قىزمەتكەرلەرى كۇدىكتىنى انىقتاعان. ول وبلىس ورتالىعىنىڭ 20 جاستاعى تۇرعىنى بولىپ شىقتى. وسى فاكتى بويىنشا الاياقتىق بەلگىلەرى بويىنشا سوتقا دەيىنگى تەرگەۋ جۇرگىزىلۋدە.