1 شىلدەدەگى جاعداي بويىنشا وزبەكستاندا دەنساۋلىق ساقتاۋ جانە الەۋمەتتىك قىزمەت كورسەتۋ سالاسىندا شەتەلدىك كاپيتالى بار 234 كاسىپورىن جۇمىس ىستەيدى. مۇنداي كومپانيالار سانى بويىنشا تۇركيا (36) جانە رەسەي (34) كوش باستادى، دەپ حابارلايدى infohub.kz سايتى.
ءۇشىنشى ورىندا جۇڭگو مەن ءۇندىستان – ءارقايسىسىندا 25 كاسىپورىن. ودان كەيىن وڭتۇستىك كورەيا 18، قازاقستان 16 جانە ءازىربايجان 9 كومپانيامەن تۇر. سونداي-اق سالادا اقش-تىڭ قاتىسۋىمەن 8، ءباا كاپيتالىمەن 6، قىرعىزستان مەن جاپونيادان 4-تەن كاسىپورىن جۇمىس ىستەيدى. تاعى 49 كومپانيا باسقا مەملەكەتتەردىڭ ينۆەستورلارىنا تيەسىلى.