پراگادا وتكەن Oktagon 92 تۋرنيرىندە وزبەكستاندىق ارالاس جەكپە-جەك شەبەرى ماحمۋد مۋرادوۆ چەمپيوندىق جەكپە-جەكتە اسەرلى جەڭىسكە جەتتى، دەپ حابارلايدى infohub.kz.
سپورتشى شوۋدىڭ باستى جەكپە-جەگىنىڭ الدىنداعى كەزدەسۋدە ونەر كورسەتىپ، جارتىلاي اۋىر سالماقتا (93 كەلىگە دەيىن) دەبيۋت جاسادى. ونىڭ قارسىلاسى يرلانديالىق ۋيلل فلەري بولدى.
بەس راۋندقا جوسپارلانعان جەكپە-جەك مەرزىمىنەن بۇرىن اياقتالدى: ەكىنشى كەزەڭنىڭ باسىندا-اق مۋرادوۆ قارسىلاسىن نوكاۋتقا جىبەردى. وسىلايشا، 36 جاستاعى وزبەكستاندىق فلەريدەن چەمپيوندىق بەلبەۋدى تارتىپ الىپ، Oktagon-نىڭ جارتىلاي اۋىر سالماقتاعى جاڭا چەمپيونى اتاندى.
ايتا كەتەيىك، مۋرادوۆ الدىڭعى جەكپە-جەگىندە ورتا سالماقتا ۋاقىتشا بەلبەۋگە يە بولعان ەدى. UFC-دەن كەتكەننەن كەيىن ول ءتورت جەكپە-جەكتىڭ بارلىعىندا جەڭىسكە جەتتى. ونىڭ كاسىبي مانسابىندا بارلىعى 30 جەڭىس، 8 جەڭىلىس جانە ءبىر جەكپە-جەك وتپەي قالعان.
ۋيلل فلەري ءۇشىن بۇل جەڭىلىس قاتارىنان التى جەڭىستەن تۇراتىن سەريانى ءۇزدى. 37 جاستاعى يرلانديالىق Oktagon-نىڭ اۋىر سالماقتاعى چەمپيون اتاعىن ساقتاپ قالدى. ونىڭ ەنشىسىندە 17 جەڭىس، 4 جەڭىلىس جانە ءبىر ناتيجەسىز جەكپە-جەك بار.
ەسكە سالايىق، Oktagon ەۋروپالىق ليگاسىنىڭ ەڭ جەڭىل سالماقتاعى چەمپيونى — قازاقستاندىق فايتەر جالعاس جۇماعۇلوۆ.