ارمەنيا پرەمەر-مينيسترى نيكول پاشينيان ۇقشو بىتىمگەرلەرىنىڭ ەل اۋماعىنا كىرمەيتىنىن مالىمدەدى. بۇل تۋرالى infohub.kz سايتى حابارلايدى.
پارلامەنتتە سويلەگەن ساياساتكەر وپپوزيسيانى ۇقشو اسكەري كونتينگەنتىن ەنگىزۋگە ۇمتىلدى دەپ ايىپتادى. ونىڭ ايتۋىنشا، بۇل بولمايدى.
«ۇقشو بىتىمگەرلەرى ارمەنياعا كىرمەيدى، جالپى ەشقانداي بىتىمگەر ارمەنياعا كىرمەيدى، ويتكەنى بەيبىتشىلىك ورناعان، ال بىتىمگەر — بۇل حالىق. ءيا، سونىڭ ىشىندە ارمەنيا حالقى مەن ءازىربايجان حالقى ەڭ سەنىمدى بىتىمگەرلەر بولىپ تابىلادى، جانە ەشقانداي شەتەلدىك بىتىمگەر ارمەنيا اۋماعىنا كىرمەيدى»، — دەپ اتاپ ءوتتى پاشينيان.
پرەمەر ارمەنيا ءوزىنىڭ ءومىر ءسۇرۋ كەپىلدىگىن ءارتۇرلى گەوساياسي ورتالىقتاردان ىزدەمەۋى كۇندەلىكتى جۇمىسىمەن «ءومىر ءسۇرۋ، دامۋ جانە بولۋ» قۇقىعىن ءوزى قامتاماسىز ەتۋى كەرەك ەكەنىن ايتتى.
بۇعان دەيىن ارمەنيانىڭ بۇرىنعى پرەزيدەنتى روبەرت كوچاريان رەسپۋبليكانىڭ سىبايلاس جەمقورلىققا قارسى كوميتەتىنە شاقىرىلىپ، وندا ۇستالعانى حابارلانعان بولاتىن. كەيىن ونىمەن بىرگە ونىڭ ۇلى دا ۇستالعانى بەلگىلى بولدى. ولارعا مەملەكەتتىك مەنشىكتى يەمدەنۋ جانە ميللياردتاعان درام كولەمىندە پارا الۋدى قوسا العاندا، سىبايلاس جەمقورلىق ايىپتارى تاعىلدى.
سونىمەن قاتار، ب ا ق دەرەكتەرىنە سايكەس، ارمەنيانىڭ ءۇشىنشى پرەزيدەنتى سەرج سارگسيان دا سىبايلاس جەمقورلىققا قارسى كوميتەتكە شاقىرىلىپ، وعان دا ايىپ تاعىلدى.