پاۆلوداردا بالا ارباسىمەن كەلە جاتقان ايەل كوپقاباتتى ءۇيدىڭ بيىكتىگىنەن مۇز كەسەگىنە ۇقساس زاتتىڭ قۇلاۋى سالدارىنان زارداپ شەكتى، دەپ حابارلايدى infohub.kz سايتى.
Orda.kzء-تىڭ Kerek.pv Telegram-ارناسىنا سىلتەمە جاساۋىنشا، وقيعا 8 شىلدەدە بولعان. بەينەباقىلاۋ كادرلارىنان ايەلدىڭ كەنەتتەن بالاسى بار اربانى جىبەرىپ العانى كورىنەدى — اربا كولبەۋ تروتۋارمەن دومالاپ كەتكەن، ءبىراق ول ۇلگەرىپ ۇستاپ قالعان. زارداپ شەككەن ايەلدىڭ باسى جاراقاتتانعان — جاريالانعان فوتوسۋرەتتەرگە قاراعاندا، دارىگەرلەر جارانى تىگۋگە ءماجبۇر بولعان.
وقيعا بويىنشا ازىرگە ەشكىم جاۋاپقا تارتىلماعانى حابارلانادى. پاۆلودار وبلىسى پوليسيا دەپارتامەنتىنىڭ مالىمەتىنشە، دەنساۋلىققا قاساقانا جەڭىل زيان كەلتىرۋ فاكتىسى بويىنشا قىلمىستىق ءىس قوزعالعان. پوليسەيلەر زاتتىڭ قۇلاۋ ءساتى تۇسىرىلگەن بەينەباقىلاۋ جازبالارىن الىپ، كۋاگەرلەردەن جاۋاپ العان.
«وسى فاكتىگە قاتىستى ادامدى انىقتاۋ جانە ونى جاۋاپقا تارتۋ ءۇشىن بارلىق قاجەتتى شارالار قولدانىلۋدا»، — دەپ قوستى پوليسيا دەپارتامەنتى.
تەرگەۋ وبلىستىق پوليسيا دەپارتامەنتى باسشىلىعىنىڭ ەرەكشە باقىلاۋىندا.