پاۆلودارلىق جۇرگىزۋشى مەن جولاۋشى ءان ايتىپ، جەلمەن جۇرگەنى ءۇشىن ايىپپۇل الدى، دەپ حابارلايدى infohub.kz.
پوليسيا قىزمەتكەرلەرى الەۋمەتتىك جەلىدەن Geely اۆتوكولىگىنىڭ جولاۋشىسى قوزعالىس ۇستىندە الدىڭعى ەسىكتىڭ تەرەزەسىنەن شىعىپ، ءان ايتىپ جاتقان ۆيدەونى انىقتادى.
پاۆلودار قالالىق پوليسيا باسقارماسى پاترۋلدىك پوليسيا باتالونى كومانديرىنىڭ مىندەتىن اتقارۋشى ورىنباسارى مەدحات جىلقىباەۆتىڭ ايتۋىنشا، تەكسەرۋ بارىسىندا جۇرگىزۋشى مەن جولاۋشىنىڭ جەكە باسى انىقتالعان. جۇرگىزۋشىگە جولاۋشى تاسىمالداۋ ەرەجەسىن بۇزعانى ءۇشىن اكىمشىلىك حاتتاما تولتىرىلسا، جولاۋشى دا جول قوزعالىسى ەرەجەسىن بۇزعانى ءۇشىن جاۋاپكەرشىلىككە تارتىلعان.
پوليسيا مۇنداي ارەكەت جولاۋشىنىڭ ءومىرى مەن دەنساۋلىعىنا ءقاۋىپ توندىرەتىنىن جانە جول-كولىك وقيعاسىنا سەبەپ بولۋى مۇمكىن ەكەنىن اتاپ ءوتتى. ۆەدومستۆو جول قوزعالىسىنا قاتىسۋشىلاردى ەرەجەلەردى ساقتاۋعا جانە وزدەرى مەن اينالاسىنداعىلاردى قاۋىپ-قاتەرگە ۇشىراتپاۋعا شاقىردى.