پاۆلوداردا ايەلدىڭ باسىنا مۇز كەسەگى قۇلاپ، جاراقات الدى. وسى فاكتى بويىنشا قىلمىستىق ءىس قوزعالدى، دەپ حابارلايدى infohub.kz سايتى.
وقيعا 8 شىلدەدە بولدى. جاس انا بالاسىمەن ارباشادا نازاربايەۆ داڭعىلى، 157ء-ۇيدىڭ تەرەزەلەرىنىڭ استىنان ءوتىپ بارا جاتقاندا، ونىڭ باسىنا مۇز كەسەگى قۇلادى. Telegram-ارناسى kerek.pvء-دىڭ حابارلاۋىنشا، ءالى ەشكىم جاۋاپكەرشىلىككە تارتىلماعان. زارداپ شەككەن ايەلدىڭ تۋىستارى ايەلدىڭ باسىن تەسكەن ادامدى وزدەرى ىزدەۋگە ءماجبۇر بولىپ وتىر.
پاۆلودار وبلىسى پوليسيا دەپارتامەنتىنىڭ حابارلاۋىنشا، دەنساۋلىققا قاساقانا جەڭىل زيان كەلتىرۋ فاكتىسى بويىنشا قىلمىستىق ءىس قوزعالدى. ءتارتىپ ساقشىلارى بەينەباقىلاۋ كامەرالارىنىڭ جازبالارىن الىپ، زەرتتەدى، كۋاگەرلەردەن جاۋاپ الدى جانە باسقا دا تەرگەۋ شارالارىن جۇرگىزدى. بەينەجازبادا زاتتىڭ جابىرلەنۋشىگە قۇلاعان ءساتى كورىنەدى. قازىرگى ۋاقىتتا وقيعانىڭ بارلىق ءمان-جايى انىقتالىپ، وسى فاكتىگە قاتىسى بار ادامدى تابۋ جانە ونى جاۋاپكەرشىلىككە تارتۋ شارالارى قولدانىلۋدا.
قىلمىستىق ءىس پاۆلودار وبلىسى پوليسيا دەپارتامەنتى باسشىلىعىنىڭ ەرەكشە باقىلاۋىندا.