پەداگوگتارعا ارنالعان پسيحولوگيالىق ترەنينگ
«جۇبىمىز جاراسقان ارىپتەستەرمىز» ترەنينگى
ماقساتى: ءوزارا قارىم - قاتىناس قابىلەتتەرىن دامىتۋ.
مىندەتتەرى: اشۋدى تارقاتۋعا ۇيرەتۋ، ءوزارا تۇسىنىستىك داعدىلارىن قالىپتاستىرۋعا باعىتتالعان توپتىق جۇمىستار، توپپەن جۇمىس بارىسىندا مەيىرىمدىلىك اتموسفەراسىن ورناتۋ.
پسيحولوگيالىق تەحنولوگيالار: مۋزىكالىق تەراپيا، ويىن تەراپياسى، ارتتەراپيا.

«سالەمدەسۋ» ويىنى.
جۇرگىزۋشى الاقانىن سوعادى، قاتىسۋشىلار ءبىر - ءبىرىنىڭ قولىن قىسادى.
جۇرگىزۋشى قوڭىراۋ سوعادى، قاتىسۋشىلار ءبىر - ءبىرىنىڭ ارقالارىن سيپايدى.
جۇرگىزۋشىلەر سىلدىرماقتى سىلدىرلاتادى، قاتىسۋشىلار مۇرىندارىمەن امانداسادى.

«كىشكەنتاي ەرگەجەيلى» ويىنى.
جۇرگىزۋشى قاتىسۋشىلارعا كىشكەنتاي مەيىرىمدى ەرگەجەيلىنىڭ ءرولىن ويناۋدى ۇسىنادى. جۇرگىزۋشى قول سوققاندا، قاتىسۋشىلار قولدارىنىڭ شىنتاقتارىن بۇگىپ، ساۋساقتارىن الدىعا قاراي سوزىپ «ۋ» دىبىسىن قاتتى قورقىنىشتى داۋىسپەن ايتادى.
ەگەر جۇرگىزۋشى قولىن اقىرىن سوقسا، «ۋ» دىبىسىن اقىرىن ايتادى. وزدەرىڭىزدىڭ مەيىرىمدى ەرگەجەيلى ەكەندەرىڭىزدى ۇمىتپاڭىزدار، ازداپ قانا قالجىڭدايمىز.

«كەنگۋرۋ» ويىنى.
قاتىسۋشىلار ەكى توپقا بولىنەدى. ءبىر كەنگۋرۋ تۇرىپ تۇرادى، ەكىنشىسى – وعان ارقاسىمەن تۇرادى، سوسىن وتىرىپ تۇرادى. ەكى قاتىسۋشى دا قولدارىنان ۇستايدى. ءاربىر جۇپتىڭ مىندەتى وسى تۇرعىدا، قولدارىن ايىرماي، بولمەنى سەكىرىپ، اينالىپ شىعۋ. (قاتىسۋشىلار رولدەرىمەن الماسادى، سوسىن جۇپتارىمەن الماسادى).

«كەمە» ويىنى.
قاتىسۋشىلار ەكى قاتارعا ءبىر - بىرىنە قاراما - قارسى تۇرادى. بۇل وزەن جاعالاۋلارى. قاتارلاردىڭ ارا قاشىقتىعى قولدارى ءبىر - بىرلەرىنە تيمەۋى كەرەك. وزەنگە كەمە كوزىن جاۋىپ ءجۇزىپ كەلەدى. ونىڭ قوزعالىسى اقىرىن نەمەسە جىلدام بولۋى مۇمكىن. جاعالاۋلار قولدارىمەن كەمەنىڭ قوزعالىسىنا اقىرىن كومەكتەسۋىنە بولادى. كەمە جولدى ءوزى تاڭدايدى؛ اينالۋىنا، بۇرىلۋىنا، ورالۋىنا بولادى. سوڭىندا كەز كەلگەن جاعالاۋدىڭ شەتىنە تۇرۋى قاجەت. وسى كەزدە باسقا كەمە جولعا شىعادى.

«الاقانعا جان ءبىتىر» ويىنى.
جۇرگىزۋشى قاتىسۋشىلارعا البوم پاراعىنا الاقانىن سالىپ، وعان جان ءبىتىرۋ كەرەكتىگىن ۇسىنادى. الاقانعا اۋىز، كوز..... سالۋ. ساۋساقتارىن بوياۋ. ءاربىر ساۋساققا ەرەكشە ەسىمدەر ويلاپ تاۋىپ جازۋ. سوڭىندا نەگە ولاي اتتاعاندىقتارى تۋرالى ايتىپ بەرۋ.