اقتوبە گۋمانيتارلىق كوللەدجى وقىتۋشىسى،
پەداگوگيكا جانە پسيحولوگيا ماگيسترى.
ر. ت. بۋلەباەۆا.

تانىسۋ.
«ەسىمدەر الليتەراسياسى» جاتتىعۋى.
قاتىسۋشىلار شەڭبەر جاساپ وتىرادى. ويىننىڭ شارتى: ءار قاتىسۋشى ءوز ەسىمىن ايتىپ، سول ەسىمىنىڭ باستاپقى ارپىنە سىن ەسىم نەمەسە جاعىمدى قاسيەت ويلاپ تابادى. جۇرگىزۋشى باستايدى: «مەنىڭ اتىم گۇلدەي گۇلنۇر». ەكىنشى قاتىسۋشى جالعاستىرادى: «مەن سىزدەرگە گۇلدەي گۇلنۇردى تانىستىرامىن، مەنىڭ اتىم اقكوڭىل اجار». وسىلايشا بارلىق قاتىسۋشىعا دەيىن جالعاسادى.
كىرىسپە ءسوز:
ءمۇعالىم ءۇشىن وقۋشىنىڭ قىزىعۋشىلىعى، بەيىمى، قابىلەتى جانە باسقا دا پسيحولوگيالىق ەرەكشەلىكتەرى باستى ورىندا بولۋى كەرەك. وسىنداي ەرەكشەلىكتەردى ەسكەرۋ مەن دامىتۋ وقۋشىنىڭ جەكە تۇلعاسىن قالىپتاستىرۋدا ماڭىزدى فاكتور بولىپ تابىلادى. اتالعان مىندەتتەردى ءمۇعالىمنىڭ بىلىكتىلىگى مەن پسيحولوگيالىق مادەنيەتىن كوتەرۋ ارقىلى عانا ءتيىمدى جۇزەگە اسىرۋعا بولادى.
قازىرگى ۋاقىتتاعى توپتىق ترەنينگ تاجىريبەسى قولدانبالى پسيحولوگيانىڭ قارقىندى دامۋشى سالاسى بولىپ تابىلادى. ترەنينگتەر بالانىڭ ءوزىن - ءوزى تاربيەلەۋىنە قىزىقتىرۋى جانە تۇرتكى بولۋى مۇمكىن. وقۋشىنىڭ ءوزىن دامىتۋدىڭ دۇرىس جولدارىن تاۋىپ، سانالى قولدانۋىنا كومەكتەسەدى، ومىرلىك ماڭىزدى داعدىلارى قالىپتاسادى: قارىم - قاتىناس جاساۋ قابىلەتى، تۇلعارالىق قارىم - قاتىناس قۇرا بىلۋگە، ەموسيالارىن مەڭگەرە بىلۋگە، شەشىم قابىلداۋعا ۇيرەنەدى.
ترەنينگتەر ءاربىر وقۋشىنىڭ ءوزىنىڭ جەكە تۇلعالىق ساپالىق قاسيەتتەرىن بىلۋگە، ءوزىن - ءوزى تانۋعا، ءوزىن - ءوزى جەتىلدىرۋگە، ءوزىن - ءوزى بەلسەندىرۋگە كومەكتەسىپ، ءوزىن ۇجىمدا، كوپشىلىك ورتاسىندا ۇستاۋعا، ارىپتەستەرىن تىڭداۋعا، كوپشىلىك الدىندا شىعىپ سويلەۋگە، ءوز ويىن دالەلدەپ ايتۋعا، باسقالاردىڭ ويلارىمەن ساناسۋعا ۇيرەتەدى، ۇجىممەن جۇمىس ىستەۋدى، ۇجىمنىڭ جەتىستىكتەرىن باعالاۋدى، كەمشىلىكتەرىن بولدىرماۋدى ۇيرەنەدى، ءوز ءبىلىمىن جەتىلدىرۋگە، ءوز بەتىنشە ىزدەنۋگە، شىعارماشىلىققا جول اشادى.

«ۇعىم ءمانىن ايقىنداۋ» جاتتىعۋى.
ۇعىمنىڭ ءمانى – بۇل ناقتى تۇلعا سونىمەن بايلانىستىراتىن اسسوسياسيالار.
- «ترەنينگ» ءسوزى نەنى بىلدىرەدى؟
- «ترەنينگ» ءسوزىنىڭ قاتىسى جوق بىرنەشە زاتتى اتاڭىز.
- «ترەنينگ» ءسوزىن تۇسىندىرەتىن بىرنەشە زاتتى اتاڭىز.
- «ترەنينگ» ءسوزىن قانداي ۇعىمدارمەن بايلانىستىراسىز.
- «ترەنينگ» ءسوزى نەگە ۇقسايدى؟
- «ترەنينگ» ءسوزى نەسىمەن ەرەكشەلەنەدى؟
- باسقا ادامعا «ترەنينگ» ءسوزى تۋرالى تۇسىنىگىڭىزدى قالاي جەتكىزەر ەدىڭىز؟
- ءسىزدىڭ «ترەنينگ» ءسوزى تۋرالى انىقتاماڭىز سىزگە ەركىن بولۋعا، ومىردە جەتىستىككە جەتۋگە قالاي كومەكتەسەدى؟
- «ترەنينگتىك» ءادىستىڭ ماڭىزى مەن كومەگى.
عىلىمي ەڭبەكتەردە «ترەنينگ - جەكە تۇلعانىڭ دامۋىنا جانە ءوزارا ارەكەتتەستىك، ءوزارا قاتىناس سالاسىندا كومپونەنتتىلىكتى جەتىلدىرۋگە باعىتتالعان جاتتىعۋلار جۇيەسى» دەگەن انىقتاما بەرىلەدى.
پەداگوگيكالىق ترەنينگ – وقىتۋ ساپاسىن ارتتىرۋدا وقۋشىنىڭ بىلىك پەن داعدىسىن قالىپتاستىرۋ مەن جەتىلدىرۋدى كوزدەيتىن جوسپارلى باعدارلامامەن جۇرگىزىلەتىن ءار ءتۇرلى جاتتىعۋلار جۇيەسى.
پەداگوگيكالىق ترەنينگ وقۋ - تاربيە پروسەسىندە XX عاسىردىڭ 60 - جىلدارىنان باستاپ قولدانا باستادى.
وقىتۋدىڭ باسقا فورمالارىنان ترەنينگتىڭ ايىرماشىلىعى بار:
1. ماقساتى شەكتەۋلى – الدىنا شاعىن ماقسات قويادى، سول ماقساتقا جەتۋ ءۇشىن عانا جۇمىس جاسايدى؛
2. وزىنە ىلەستىرۋ باعىتتىلىعى – كەڭ كولەمدە ءبىلىم بەرمەسە دە، قانداي دا ءبىر ماسەلەنىڭ جەكە جاقتارىن تەرەڭ اشۋعا تىرىسادى؛
3. قولدانبالىق سيپاتتىلىعى – وقىتۋدىڭ باسقا ادىستەرىمەن سالىستىرعاندا، العان ءبىلىمنىڭ ومىرگە تىكەلەي پايدالانۋىمەن ەرەكشەلەنەدى.

تولىق نۇسقاسىن جۇكتەۋ