برازيليانىڭ ءىرى مۇناي-گاز كومپانياسى Petrobras اماپا شتاتىنىڭ جاعالاۋىنداعى بارلاۋ ۇڭعىماسىنان كومىرسۋتەكتەر تابىلعانىن حابارلادى، دەپ مالىمدەيدى infohub.kz سايتى.
كومپانيانىڭ مالىمدەمەسىنە سايكەس، قازبالار اماپانىڭ تەرەڭ سۋ ايماعىنداعى FZA-M-59 بلوگىندا، برازيليانىڭ ەكۆاتورلىق جاعالاۋىنداعى فوس-دۋ-امازوناس باسسەينىندە بۇرعىلانىپ جاتقان ۇڭعىمادان تابىلدى.
Morpho (1-BRSA-1405-APS) ۇڭعىماسى اماپا شتاتىنىڭ جاعالاۋىنان شامامەن 175 شاقىرىم جەردە، 2886 مەتر تەرەڭدىكتە ورنالاسقان. رەليزدە ايتىلعانداي، ودان ءارى باعالاۋ جۇمىستارى قورشاعان ورتا مەن ادامدار ءۇشىن بارلىق قاۋىپسىزدىك تالاپتارىن ساقتاي وتىرىپ جۇرگىزىلۋدە.
Petrobras FZA-M-59 بلوگىنداعى قىزمەت كومپانيانىڭ شەكارالاس ايماقتارداعى بارلاۋ جۇمىستارى ەسەبىنەن مۇناي مەن گاز قورلارىن تولىقتىرۋ ستراتەگياسىنا سايكەس كەلەتىنىن، بۇل برازيليانىڭ ەنەرگيانىڭ باسقا تۇرلەرىنە كوشۋ كەزەڭىندە ەنەرگيا سۇرانىسىن قولداۋعا مۇمكىندىك بەرەتىنىن اتاپ ءوتتى.
برازيليالىق كومپانيا FZA-M-59 بلوگىنىڭ وپەراتورى بولىپ تابىلادى جانە بۇل اۋماقتاعى 100% ۇلەسكە يە.