Olympic.kz مالىمەتىنشە، 27 شىلدە مەن 16 تامىز ارالىعىندا استاناداعى ۇلتتىق تەننيس ورتالىعىنىڭ اشىق حارد كورتتارىندا ATP Challenger Tour (اتر سەرياسى) مەن World Tennis Tour (الەمدىك تەننيس تۋرى) جارىستارىن بىرىكتىرەتىن حالىقارالىق تەننيس تۋرنيرلەرىنىڭ سەرياسى – پرەزيدەنت كۋبوگى وتەدى، دەپ حابارلايدى infohub.kz.
27 شىلدە مەن 9 تامىز ارالىعىندا World Tennis Tour-دىڭ W15 (ايەلدەر) جانە M15 (ەرلەر) ساناتتى تۋرنيرلەرى وتەدى. كەلەسى كۇنى، 10 تامىزدا، ATP Challenger 50 جانە تاعى ءبىر World Tennis Tour W15 ءتۋرنيرى باستالادى.
بيىل قازاقستان اتىنان ءامىر ومارحانوۆ، زاڭعار نۇرلان ۇلى، دامير جالعاسباي، ارۋجان ساعاندىقوۆا، اسىلجان ارىستانبەكوۆا، ىنكار ديۋسەباي، ساندۋعاش كەنجيباەۆا جانە البينا كاكەنوۆا سىنعا تۇسەدى.
پرەزيدەنت كۋبوگى قازاقستاندا 1991 جىلدان بەرى وتكىزىلىپ كەلەدى، ال حالىقارالىق مارتەبە تۋرنيرلەرگە 2007 جىلى بەرىلدى.
وتكەن جىلدارداعى جەڭىمپازدار قاتارىندا – قازاقستاندىقتار ميحايل كۋكۋشكين مەن اندرەي گولۋبيەۆ، ۋكرايندىق يليا مارچەنكو، اۋستريالىق سەباستيان وففنەر، قازىرگى گەرمانيا قۇراماسىنىڭ كاپيتانى راينەر شۋتتلەر، حورۆات يۆان دوديگ (جۇپتىق سىندا Australian Open جانە Roland Garros چەمپيونى)، قىتايلىق چجان شۋاي (جۇپتىق سىندا «ۇلكەن شلەم» تۋرنيرلەرىنىڭ ەكى دۇركىن چەمپيونى) جانە باسقالار بار.